გია აბაშიძე: ყურადსაღებია ის საგანგაშო ვითარება, რაც მუდმივადაა თავად აშშ-ში. სხვის თვალში ფარისევლურად ბეწვს ვითომ ხედავენ, ხოლო საკუთარში დირეს ჯიუტად - არა
სარეკლამო ადგილი - 10
650 x 60
164 04 ოქტომბერი 2024, 19:07

ანალიტიკოსი გია აბაშიძე აშშ-ის საელჩოს მიერ საკუთარ მოქალაქეებისთვის დაგზავნილ იმეილებს ეხმიანება, რომლითაც მათ მოუწოდებენ გამოიჩინონ სიფრთხილე და დააკვირდნენ 26 ოქტომბრის საპარლამენტო არჩევნებთან დაკავშირებით ხალხის დიდი მასების შესაძლო შეკრებას ან პროტესტს საქართველოში.

აბაშიძე ზემოთ ხსენებულს ამერიკის საელჩოს მორიგ პროვოკაციულ ნაბიჯს უწოდებს და აღნიშნავს, რომ შეერთებულ შტატებში არსებულ მუდმივ საფრთხეებსა და რისკებზე მისი სტრატეგიული მოკავშირე დიდი ბრიტანეთი საკუთარ მოქალაქეებს ყოველთვის აფრთხილებს და ეს ხდება იმ ქვეყანაში, სადაც პრეზიდენტობის კანდიდატს დაუბრკოლებლად ესხმიან თავს, ისევე როგორც მაღალჩინოსნებს, მათ შორის კონგრესმენებსა და მათ თანაშემწეებს.

„ამერიკის საელჩოს მორიგ პროვოკაციულ ნაბიჯზე, რომ ფრთხილად იყვნენ მისი მოქალაქეები საქართველოს არჩევნებთან დაკავშირებულ რაღაც ექსცესებზე, ყურადსაღებია ის საგანგაშო ვითარება, რაც მუდმივადაა თავად აშშ-ში.

შეერთებულ შტატებში არსებულ მუდმივ საფრთხეებსა და რისკებზე მისი სტრატეგიული მოკავშირე დიდი ბრიტანეთი საკუთარ მოქალაქეებს ყოველთვის აფრთხილებს:
ტერორისტული თავდასხმის მაღალი საფრთხე;
პროტესტი ჩვეულებრივი მოვლენაა და შეიძლება ძალადობრივიც გახდეს. ყოველთვის ყურადღებით იყავით და მოერიდეთ ლოკაციებს, სადაც პროტესტები იმართება;
ფრთხილად იყავით ძალადობრივ და იარაღთან დაკავშირებულ დანაშაულზე.
ფრთხილად იყავით უცნობ ადგილებში. ეცადეთ მარტო არ იაროთ წყნარ ადგილებში, განსაკუთრებით ღამით.
შესაძლოა, ბანდების სამიზნე იყოს მანქანები, რომლებსაც მართავენ ადამიანები, რომლებიც ტურისტებს ჰგვანან. არ დაიძინოთ მანქანაში გზის პირას ან მოსასვენებელ ადგილებში. მოერიდეთ თქვენს მანქანაში გამოფენილი ნივთების სალონში დატოვებას, დარჩით მთავარ გზებზე, გამოიყენეთ კარგად განათებული ავტოსადგომები...

და ეს ხდება იმ ქვეყანაში, სადაც პრეზიდენტობის კანდიდატს დაუბრკოლებლად ესხმიან თავს, ისევე როგორც მაღალჩინოსნებს, მათ შორის კონგრესმენებსა და მათ თანაშემწეებს.

ამასთან, 2023 წელს შეერთებულ შტატებში სროლების შედეგად სულ მცირე 197 ადამიანი დაიღუპა და 91 დაშავდა. ბოლო 17 წელიწადში მსგავს ვითარებაში დაღუპულთა რიცხვმა აშშ-ში უკვე 2423-ს მიაღწია.

სხვის თვალში ფარისევლურად ბეწვს ვითომ ხედავენ, ხოლო საკუთარში დირეს ჯიუტად არა!“ - წერს გია აბაშიძე.

სარეკლამო ადგილი - 11
650 x 60
ნიკოლოზ მეტრეველი ევროკავშირის ელჩს: ძვირფასო პაველ, ხშირად სტუმრობთ ადგილობრივ კაფეებს, ისევე როგორც მე და სინამდვილეში ხაჭაპურს გჩუქნიან კი არა, გამარჯობასაც ზრდილობისთვის გეუბნებიან, ხოლო, ზურგს უკან რასაც ფიქრობენ იმას ვერ გეტყვი
ზაალ ანჯაფარიძე აშშ-სა და ევროპის ქვეყნებში საგამოძიებო კომისიაზე გამოუცხადებლობისთვია სასჯელზე: თავად განსაჯეთ, რას ემსახურებოდა „შიგევროპული" ოპოზიციის ლიდერების კომისიაზე არგამოცხადება - ეს პოლიტიკური ცირკიც ჩაუვარდათ
ბაჩო ოდიშარია აშშ-ის ყოფილ პრეზიდენტზე: „დიფ სთეითის“ წნეხი და გავლენები ეიზენჰაუერმა საკუთარ თავზე გამოცადა და ღიად გააფრთხილა მსოფლიო მისგან თავი დაეცვათ
ზურაბ ქადაგიძე: თემა აღარ აქვთ და ახალი „ფეიკი“ გამოაცხვეს, თითქოს მიშა მესხი კულტურის საკითხებში პრეზიდენტის მრჩევლად დაინიშნა
ნინო ფოჩხუა: მიშა მესხი საპარლამენტო საგამოძიებო კომისიაზე იყო მიწვეული, წამსვე ფეიკს ფეიკზე უგონებენ - ეს ხომ ერთდღიანი ტყუილია, რომლის შემოწმებასაც წუთიც არ სჭირდება
არქივი