როგორც კი მოვუწოდეთ ყველა დაინტერესებულ მხარეს, კენჭისყრის დღეს მარკირების სითხის დასხმით და იქვე ფანრის დანათებით შეეძლოთ, გადამოწმება და მათ ამის დემონსტრაციისთვის მივუთითეთ, იმთავითვე ამ საკითხით მანიპულირება დასრულდა. აღნიშნული თავის მხრივ გვაძლევს იმ დასკვნების გაკეთების შესაძლებლობას, რომ ეს იყო აბსოლუტურად უსაფუძვლო ბრალდებები, - განაცხადა „იმედის კვირის“ ეთერში ჩართვისას ცესკო-ს თავმჯდომარემ გიორგი კალანდარიშვილმა.
მან განხორციელებულ საარჩევნო პროცესზე ისაუბრა და მარკირების სითხესთან დაკავშირებით გავრცელებულ ინფორმაციაზე კომენტარი გააკეთა.
„როგორც კი მოვუწოდეთ ყველა დაინტერესებულ მხარეს, რომ ასეთ შემთხვევაში, მათ ძალიან მარტივად, კენჭისყრის დღეს მარკირების სითხის დასხმით და იქვე ფანრის დანათებით შეეძლოთ, ამ ყველაფრის გადამოწმება და მათ ამის დემონსტრაციისთვის მივუთითეთ, იმთავითვე ამ საკითხით მანიპულირება დასრულდა, რაც თავის მხრივ გვაძლევს იმ დასკვნების გაკეთების შესაძლებლობას, რომ ეს იყო აბსოლუტურად უსაფუძვლო ბრალდებები. თუ ასეთ შემთხვევას სადმე ადგილი ჰქონდა, მე ასეთი დადასტურებული შემთხვევა არ მინახავს, პირდაპირ შეგვიძლია ვივარაუდოთ, რომ ეს იყო მიზანმიმართულად დადგმული ისეთი შემთხვევა, როდესაც ვინმემ უზრუნველყო მარკირების სითხის გადაღვრა და იქ რაიმე სითხის მოთავსება. თუმცა, კიდევ ერთხელ ვიტყვი, მას შემდეგ რაც ჩვენ ამ საკითხზე ყურადღება გავამახვილეთ, იმთავითვე რიგი მანიპულაციები ამ საკითხთან დაკავშირებით დასრულდა“, - აღნიშნა კალანდარიშვილმა.
| სარეკლამო ადგილი - 11 650 x 60 |
