378
19 დეკემბერი 2024, 22:36
„ვახტანგ გომელაური ყოველთვის იცავს ზღვარს საკუთარი თანამშრომლის დაცვასა და ქუჩაში გამოსულ მოქალაქეთა ინტერესებს შორის და მხოლოდ არამშვიდობიანი დემონსტრანტების წინააღმდეგ იყენებს ძალას და როგორც წესი, მხოლოდ პროპორციულს”, - წერს „ხალხის ძალის” წევრი თამთა მეგრელიშვილი ამერიკის შეერთებული შტატების მიერ შინაგან საქმეთა მინისტრის, ვახტანგ გომელაურის „მაგნიტსკის სიაში” შეყვანაზე.
„შინაგან საქმეთა მინისტრი ვახტანგ გომელაური არის მტკიცე ნებისყოფის მქონე საკუთარი საქმის პროფესიონალი ადამიანი. მან სწორი ტაქტიკური მიდგომით მათ შორის საპოლიციო ძალების გამოყენებისას, არაერთი საფრთხე აარიდა ქართულ სახელმწიფოს. ის ყოველთვის იცავს ზღვარს საკუთარი თანამშრომლის დაცვასა და ქუჩაში გამოსულ მოქალაქეთა ინტერესებს შორის და მხოლოდ არამშვიდობიანი დემონსტრანტების წინააღმდეგ იყენებს ძალას და როგორც წესი მხოლოდ პროპორციულს. სრულ მხარაჭერას ვუცხადებ ბატონ ვახტანგ გომელაურს და საჯარო მადლობას ვეუბნები მას და საპოლიციო ძალებს ქართული სახელმწიფოს გადასარჩენად მიმდინარე ბრძოლაში გამოჩენილი პროფესიული სიმშვიდისათვის.
არამშვიდობიანი პროცესების მიმდინარეობისას რთულია შეინარჩუნო პროფესიონალიზმი და კანონის მოთხოვნებს დაემორჩილო, რაც ქართულმა საპოლიციო ძალებმა შეძლეს და მოახერხეს. ცალკეულ გადაცდომებზე მიდის გამოძიება და კანონი ყველას სათანადო პასუხს გასცემს. ვახტანგ გომელაურისა და საპოლიციო ძალების სახელმწიფოებრივი დამოკიდებულებით ჩვენ არაერთხელ ავიცილეთ თავიდან საქართველოში "მაიდანის" პროექტი. ჩემი მხარდაჭერა და მადლობა მას! ქართული სახელმწიფოს ყურადღება მშვიდობაზეა მიმართული და ამას ვერავინ ვერ შეცვლის”, - წერს თამთა მეგრელიშვილი Facebook-ზე.
| სარეკლამო ადგილი - 11 650 x 60 |
