ქართველიშვილი: ვერაფერს სწავლობენ საქართველოსთან მიმართებით დაშვებულ საკუთარ შეცდომებზე ევრობიუროკრატები - ერთი მხრივ „არ ცნობენ“ საქართველოს ხელისუფლების „ლეგიტიმაციას“, მეორე მხრივ მიმართავენ უსამართლო მოწოდებებით
სარეკლამო ადგილი - 10
650 x 60
115 07 თებერვალი 2025, 21:37

ვერაფერს სწავლობენ საქართველოსთან მიმართებით დაშვებულ საკუთარ შეცდომებზე ევრობიუროკრატები. იმის მაგივრად, სერიოზულად დაუფიქრდნენ ურსულა ფონ დერ ლაიენმა თუ კაია კალასმა - რატომ მოხვდნენ თეთრი სახლის სრულ საკომუნიკაციო იგნორში - აგრძელებენ ხელოვნური კუნთების თამაშს ჩვენს ქვეყანასთან, - წერს „ხალხის ძალის" წევრი, დავით ქართველიშვილი სოციალურ ქსელში.

ქართველიშვილი ეხმიანება ევროკავშირის უმაღლესი წარმომადგენლის, ევროკომისიის ვიცე-პრეზიდენტის კაია კალასის და გაფართოების საკითხებში ევროკავშირის კომისრის მარტა კოსის განცხადებას საქართველოში არსებული სიტუაციის შესახებ, რომელშიც საქართველოს ხელისუფლებას მოუწოდებენ, გაათავისუფლონ აქციებზე დაკავებულები და უზრუნველყონ დიალოგი ყველა პოლიტიკურ ძალასთან.

როგორც დავით ქართველიშვილი აღნიშნავს, ეს ორი ევრობიუროკრატი - კალასი და კოსი, ამჯერად საქართველოს ადმინისტრაციულ კოდექსში და წინასწარი პატიმრობის საკნებში იქექებიან მორიგი უკანონო და უსამართლო მითითებებით.

„ვერაფერს ვერ სწავლობენ საქართველოსთან მიმართებით დაშვებულ საკუთარ შეცდომებზე ევრობიუროკრატები. იმის მაგივრად, სერიოზულად დაუფიქრდნენ ურსულა ფონ დერ ლაიენმა თუ კაია კალასმა - რატომ მოხვდნენ თეთრი სახლის სრულ საკომუნიკაციო იგნორში - აგრძელებენ ხელოვნური კუნთების თამაშს ჩვენს ქვეყანასთან. თვით სახელმწიფო დეპარტამენტიც კი გაჩერებულია საქართველოსგან მისი კანონშემოქმედებითი საქმიანობის გაუქმების მოწოდებებში - თვეზე მეტია შეშფოთებული მეთიუ მილერის აღშფოთებულ სისულელეებს ვეღარ ვისმენთ. თუმცა ევროსივრცეში მისი საქმის ინერციით გამგრძელებლები ჯერ კიდევ მოიძებნება. ევროკავშირის უმაღლესმა წარმომადგენელმა, ევროკომისიის ვიცე-პრეზიდენტმა, კაია კალასმა და გაფართოების საკითხებში ევროკომისარმა მარტა კოსმა როგორც ჩანს ვერ გაიგეს, თუ რას ნიშნავს საქართველოს ხელისუფლების გადაწყვეტილება, დროებით შეაჩეროს ქვეყნისთვის დამაზიანებელი და უსამართლო პოლიტიკა ევროკავშირთან თუ ევროსაბჭოს საპარლამენტო ასამბლეასთან. იმის მაგივრად, რომ ჯეროვნად შეაფასონ ეუთო/ოდირის ძირითადი, პოზიტიური დასკვნა საქართველოს საპარლამენტო არჩევნებთან დაკავშირებით - საკუთარ ჯაშუშებს ფეხქვეშ ათელვინებენ ამ მთავარ საერთაშორისო საარჩევნო არბიტრის რეპუტაციას. ერთის მხრივ „არ ცნობენ" საქართველოს ხელისუფლების „ლეგიტიმაციას“ - მეორე მხრივ მიმართავენ საქართველოს ხელისუფლებას (!) მორიგი უსამართლო მოწოდებებით. დღეს ეს ორი ევრობიუროკრატი ქალბატონი ამჯერად საქართველოს ადმინისტრაციულ კოდექსში და წინასწარი პატიმრობის საკნებში იქექებიან მორიგი უკანონო და უსამართლო მითითებებით. მაშინ, როდესაც სააკაშვილის რეჟიმის დროს 300 ათასი უკანონოდ დაკავებულისა და დაპატიმრებულის არც ერთი ბედი მათ არ აღელვებდათ. ამ სისულელეებს თავი რომ დაანებონ, ვურჩევთ დაფიქრდნენ, რატომ არ იკარებენ მათ „სათოფეზე“ ვაშინგტონის ახალი ადმინისტრაციიდან და როდემდე უნდა გაურბოდნენ მარტივ ჭეშმარიტებას - ეუთო/ოდირის ძირითად დასკვნას საქართველოში შემდგარი არჩევნების შესახებ. თავისივე შეშფოთებულ განცხადებებში ეს ეპიზოდური წამოცდენები "საქართველოს ხელისუფლების" მისამართით, ამ ხელისუფლების ჯიუტი იგნორირების ფონზე სხვა არაფერია, თუ არა მორიგი კოგნიტური დისონანსი ," - წერს ქართველიშვილი.

სარეკლამო ადგილი - 11
650 x 60
ზურაბ ქადაგიძე: თემა აღარ აქვთ და ახალი „ფეიკი“ გამოაცხვეს, თითქოს მიშა მესხი კულტურის საკითხებში პრეზიდენტის მრჩევლად დაინიშნა
ნინო ფოჩხუა: მიშა მესხი საპარლამენტო საგამოძიებო კომისიაზე იყო მიწვეული, წამსვე ფეიკს ფეიკზე უგონებენ - ეს ხომ ერთდღიანი ტყუილია, რომლის შემოწმებასაც წუთიც არ სჭირდება
დავით ქართველიშვილი ისრაელ-ირანის ომზე: ძალიან სახიფათოა, როდესაც ვინმე რომელიმე პოზიციას ეთანხმება და ცალსახად მოუწოდებს ხელისუფლებას ამა თუ იმ ქვეყნის მხარდაჭერისაკენ
ვატო შაქარიშვილი: ინფორმირებულობა და სიმართლის ცოდნა „დიფ სთეითზე“, ოლიგარქიულ ოჯახებზე იყო ერთ-ერთი მნიშვნელოვანი დამცავი ფარი ქართული სახელმწიფოსთვის
ბრიუსელის გადაწყვეტილებების მოტივატორია ის, რომ საქართველო ევრობიუროკრატიას და „ევროსაბჭოთა კავშირს“ ხელიდან გაუსხლტა ისე, როგორც ამას აკეთებდა ყველა იმპერიასთან მიმართებით
არქივი