297
19 თებერვალი 2025, 14:39
ანალიტიკოსი გია აბაშიძე, POSTV -ის მიერ გავრცელებულ კადრებს ეხმიანება, რომელშიც ჩანს, როგორ ანაწილებს რადიკალური აქციების ერთ-ერთი ორგანიზატორი, თეონა ბზიშვილი ფულს აქციის დაწყებამდე მის მონაწილეებში, რომელთა შორის, „ტვ პირველის" ოპერატორი, ლაშა ჯიოშვილიც არის.
აბაშიძის განცხადებით, დაქირავებული პროვოკატორები გმირები ვერასდროს გახდებიან ქართულ საზოგადოებაში, ხოლო ფასიანი "პატრიოტები", ინდულგენციებით არ უნდა სარგებლობდნენ კანონდარღვევის შემთხვევაში.
"დაქირავებული ნაცპროვოკატორების ჰეროიზაცია ვერასდროს დამკვიდრდება ჩვენს საზოგადოებაში, არ აქვს მნიშვნელობა თუნდაც ტოქსიკურ ნაცმედიაში მუშაობდეს თუ ე.წ. "ენჯეოელი" იყოს. მხილებით, გამოვლენითა და კანონდარღვევის შემთხვევაში, მართლმსაჯულების პასუხით, ფასიანი ე.წ. პატრიოტები არ უნდა სარგებლობდნენ რაღაც ინდულგენციებით.
POSTV- მ მოიპოვა ექსკლუზიური კადრები, რომელშიც ჩანს, როგორ ანაწილებს რადიკალური აქციების ერთ-ერთი ორგანიზატორი, თეონა ბზიშვილი ფულს აქციის დაწყებამდე. ზონდერობისთვის და ამორალური ბანერების ხელში დაჭერისთვის ფულს იღებს „ტვ პირველის" "ოპერატორი", ლაშა ჯიოშვილი." - წერს გია აბაშიძე სოციალურ ქსელში.
"ტვ პირველის" ოპერატორი, ლაშა ჯიოშვილი ადმინისტრაციულ სამართალდარღვევათა კოდექსით არის დაკავებული.
| სარეკლამო ადგილი - 11 650 x 60 |
