ევროკავშირში დემოკრატიის არსის განხილვა გვჭირდება იმაზე, რაც მოხდა რუმინეთში, საფრანგეთში არჩევნებთან და დასავლეთის მიერ საქართველოსა და სერბეთში ორგანიზებულ „მაიდნებთან“ დაკავშირებით
სარეკლამო ადგილი - 10
650 x 60
147 15 აპრილი 2025, 22:37
კალასის გაფრთხილება ადასტურებს, რომ ჩვენ გვჭირდება ევროკავშირში დემოკრატიის არსის განხილვა იმის შესახებ, რაც მოხდა რუმინეთსა და საფრანგეთში საპრეზიდენტო არჩევნებთან დაკავშირებით, დასავლეთის მიერ საქართველოსა და სერბეთში ორგანიზებულ „მაიდნებთან“ დაკავშირებით, – ამის შესახებ სლოვაკეთის პრემიერ-მინისტრი რობერტ ფიცო სოციალურ ქსელში წერს.

ფიცო ეხმაურება ევროკავშირის უმაღლესმა წარმომადგენლის, კაია კალასის მიერ 9 მაისის აღლუმში მონაწილეობასთან დაკავშირებით გაკეთებულ განცხადებას, სადაც მან აღნიშნა: „9 მაისის აღლუმში ან საზეიმო ღონისძიებაში ნებისმიერი სახის მონაწილეობა არ იქნება მსუბუქად აღქმული ევროპული მხარის მიერ“.

როგორც სლოვაკეთის პრემიერ-მინისტრი აღნიშნავს, „კალასისგან გაფრთხილება და მუქარა უპატივცემულობაა“. მისივე თქმით, სუვერენული ქვეყნის ლეგიტიმური პრემიერ-მინისტრია და არავის შეუძლია, უკარნახოს, სად შეუძლია წასვლა და სად არა.

„გაფრთხილება და მუქარა ქალბატონი კალასისგან უპატივცემულობაა და მე ვეწინააღმდეგები ამას. ევროკავშირის უმაღლესი წარმომადგენელი კაია კალასი აფრთხილებს ევროკავშირის ლიდერებს, არ მიიღონ მონაწილეობა მოსკოვში, მაისში, გამარჯვების დღის აღსანიშნავ ღონისძიებაში. მე წავალ მოსკოვში 9 მაისს. არ ვიცი, არის თუ არა კალასის გაფრთხილება შანტაჟის ფორმა ან სიგნალი, რომ დავისჯები მოსკოვიდან დაბრუნების შემდეგ? მაგრამ ვიცი, რომ ახლა 2025 წელია და არა 1939. ქალბატონი კალასის გაფრთხილება ადასტურებს, რომ ჩვენ გვჭირდება ევროკავშირში დემოკრატიის არსის განხილვა იმის შესახებ, რაც მოხდა რუმინეთსა და საფრანგეთში საპრეზიდენტო არჩევნებთან დაკავშირებით, დასავლეთის მიერ საქართველოსა და სერბეთში ორგანიზებულ „მაიდნებთან“ დაკავშირებით, როგორ არ დაეთმო სათანადო ყურადღება სლოვაკეთში სისხლის სამართლის ოპოზიციის წინააღმდეგ ბოროტად გამოყენების საკითხს.

ქალბატონო კალას, მინდა გაცნობოთ, მე ვარ სლოვაკეთის, სუვერენული ქვეყნის ლეგიტიმური პრემიერ-მინისტრი. არავის შეუძლია, მიკარნახოს, სად შემიძლია ან არ შემიძლია მოგზაურობა. მე წავალ მოსკოვში და პატივს მივაგებ წითელი არმიის ათასობით ჯარისკაცს, რომლებიც დაიღუპნენ სლოვაკეთის განთავისუფლებისას, ისევე, როგორც ნაცისტური ტერორის სხვა მილიონობით მსხვერპლს. მინდა შეგახსენოთ, მე ვარ ერთ-ერთი იმ მცირეთაგანი ევროკავშირში, ვინც თანმიმდევრულად საუბრობს უკრაინაში მშვიდობის საჭიროებაზე და არ უჭერს მხარს ამ უაზრო ომის გაგრძელებას. ქალბატონი კალასის სიტყვები უპატივცემულობაა და მე მკაცრად ვეწინააღმდეგები“, – წერს ფიცო.
სარეკლამო ადგილი - 11
650 x 60
გიორგი გამსახურდია: პაატა ქარდავას მკვლელებს ვინც დაიცავს და ვინც გვერდში დაუდგება, ის იმ მკვლელებზე უარესია - ეს არის გაუგონარი სიმხეცე იმ დანაშაულებრივი მანქანის, რომელიც კრიმინალების დაკვეთით, ადამიანებს სპობდა
ზაალ ანჯაფარიძე: დარწმუნებული ვარ, რომ ევროკავშირის და აშშ-ს საელჩოები გულდასმით ადევნებენ თვალს საპარლამენტო საგამოძიებო კომისიის მუშაობას და იქ მისული მოწმეების ჩვენებებს, თუ რა ხდებოდა ნაცმოძრაობის მმართველობის დროს
დავით ჩიხელიძე: ბატონი პაველის მთავარ მიზანს ოპოზიციის გაკეთილშობილება წარმოადგენს! ბატონო ელჩო, თქვენი მცდელობა ამაოა, „ნაციონალი მოძრაობის“ რეინკარნაცია არასდროს მოხდება
ედიშერ გვენეტაძე: პაველ ჰერჩინსკი სპეციალური დავალებით არის მოვლენილი საქართველოში - წარმოადგენს ოპოზიციურ მხარეს და მოქმედებს როგორც მეხუთე კოლონის კონსულტანტი და მათი დანაშაულების „გამპრავებელი“
დავით ქართველიშვილი ბლეიზ მეტრეველზე: ჩვენ თვალს ვადევნებთ არა სიმბოლურ დანიშვნას, არამედ თვით დაზვერვის ბუნების შეცვლას
არქივი