ის, რომ ჯო უილსონი საქართველოში ჩამოსულ მაღალ რანგის სტუმრებთან (მაგალითად, ეუთოს გენერალური მდივანთან) ამაოდ წვალობს ვიზიტზე უარი ათქმევინოს, ამას უკვე მეტ ნაკლებად შევეჩვიეთ. მაგრამ ამას რა ვუყოთ, როცა საქართველოს ვიცე-პრემიერი ლევან დავითაშვილი და ეროვნული ბანკის პრეზიდენტი ნათია თურნავა ამერიკის შეერთებულ შტატებში ძალიან წარმატებულ ვიზიტს ახორციელებენ? - წერს სოციალურ ქსელში „ერთიანი ნეიტრალური საქართველოს“ წევრი ლევან ნიკოლეიშვილი.

მისივე თქმით, საქართველოს ჰყავს დემოკრატიულად არჩეული ხელისუფლება, რომლის ლეგიტიმაციაზე ეჭვები მხოლოდ უბადრუკ, კორუმპირებულ და მტრულად განწყობილ აქაურ და იქაურ პოლიტიკანებს აქვთ, თუმცა საქართველოს დელეგაციების წარმატებული უცხოური ვიზიტები ყოველ ჯერზე მათ ბინძურ განზრახვებს ცივ წყალს ასხამს.

„ის, რომ ჯო უილსონი საქართველოში ჩამოსულ მაღალ რანგის სტუმრებთან (მაგალითად, ეუთოს გენერალური მდივანთან) ამაოდ წვალობს ვიზიტზე უარი ათქმევინოს, ამას უკვე მეტ ნაკლებად შევეჩვიეთ. მაგრამ ამას რა ვუყოთ, როცა საქართველოს ვიცე-პრემიერი ლევან დავითაშვილი და ეროვნული ბანკის პრეზიდენტი ნათია თურნავა ამერიკის შეერთებულ შტატებში ძალიან წარმატებულ ვიზიტს ახორციელებენ? აღარაფერს ვამბობ, იმის თაობაზე, რომ მათი ამ ვიზიტის დროს ხდება ამერიკის ახალ ადმინისტრაციასთან და მსოფლიოს საფინანსო ინსტიტუტებთან საქართველოს ხელისუფლების სრული თანხვედრა სავაჭრო და ფინანსურ საკითხების მიმართ. ჩვენი დელეგაციის ვიზიტის პოლიტიკური დატვირთვა კი უაღრესად მნიშვნელოვანია, თუნდაც ადგილობრივი ოპოზიციის, არასამთავრობოებისა და მათი პატრონი საქართველოს ავის მოსურნე უცხოელების ხმის ჩასაგდებად. საქართველოს ჰყავს დემოკრატიულად არჩეული ხელისუფლება, რომლის ლეგიტიმაციაზე ეჭვები (როგორც წესი დაუსაბუთებელი და ამორალური) მხოლოდ უბადრუკ, კორუმპირებულ და მტრულად განწყობილ აქაურ და იქაურ პოლიტიკანებს აქვთ, თუმცა აუცილებლად უნდა აღვნიშნო, რომ საქართველოს დელეგაციების წარმატებული უცხოური ვიზიტები ყოველ ჯერზე მათ ბინძურ განზრახვებს ცივ წყალს ასხამს. წარმატებები საქართველოს!“ - წერს ლევან ნიკოლეიშვილი.