271
11 ივნისი 2025, 18:32
ჩვენისთანა პატარა ქვეყანა პირველ სამიზნეშია, მთავარ სამიზნეშია „დიფ სთეითის“ იმიტომ, რომ სწორედ პატარა ქვეყნის პოზიციებიდან ჩვენზე გაცილებით უფრო მძლავრ და დიდ ქვეყნებს ვაძლევთ მაგალითს, რომ „დიფ სთეითთან“ გამკლავება საჭიროა, - განაცხადა გადაცემაში „დღის ქრონიკა“ პარტია „ხალხის ძალის“ წევრმა დავით ქართველიშვილმა.
მისივე თქმით, „დიფ სთეითის“ დამარცხებაც საჭიროა.
„არათუ დასუსტება, არამედ დამარცხებაც კი თუკი ქვეყანა არ გადაუვა იმ თავის ფასეულობებს, რასაც ჰქვია სარწმუნოება, რასაც ჰქვია ტრადიციულობა, ოჯახური ფასეულობები. ის ყველაფერი, რაც დაკნინებული და მეტ ნაკლებად მოშლილია ევროპის კონტინენტზე, საქართველოში ასე თუ ისე შენარჩუნებულია, გარდა, რა თქმა უნდა, თუნდაც იმ ერთი მესამედისა ჩვენი მოსახლეობის, რომელმაც ვერ გაუძლო ამ ბრძოლას. თუნდაც, სააკაშვილის რეჟიმის დრო, სამწუხაროდ მოხდა მათი გენმოდიფიცირება, ამ სიტყვის პირდაპირი მნიშვნელობით, მაგრამ დღეს უმრავლესობა მოსახლეობის, თუნდაც 17 მაისის ყოველწლიური მასშტაბური გამოსვლებით, მთელ მსოფლიოს აჩვენებს ამ მაგალითს, თუ როგორ შეიძლება გაუძლო პატარა ქვეყანამ იმ შემოტევას, რომელიც ზუსტად რომ ამ ფასეულობების განადგურებაზეა განკუთვნილი, რადგანაც ჩვენგანაც მიიღონ არა მოქალაქეები, არა ქართველები, არამედ, ეთნოსის, რელიგიისა და თვითმყოფადობის გარეშე რაღაც ბიომასა, რომელიც ადვილად მართვადი იქნება“, - აღნიშნა დავით ქართველიშვილმა.
მისივე თქმით, ჩვენ ვართ დღეს ექსპორტიორი ზუსტად იმ სიჯიუტის, რომელმაც შეიძლება დაამარცხოს გოლიათი.
„ჩვენ ვართ ზუსტად ის პატარა დავითი. ამიტომ, ჩვენნაირი მაგალითი იწვევს უკიდურეს გაღიზიანებას ჩვენი მოწინააღმდეგეების მხრიდან“, - განაცხადა მან.
| სარეკლამო ადგილი - 11 650 x 60 |
