„რა „მოიგო“ უკრაინამ აგენტოკრატიული რეჟიმის 11-წლიანი ისტორიის მანძილზე,“ - ამ თემაზე წერს სოციალურ ქსელში „ხალხის ძალის“ წევრი დავით ქართველიშვლი და უნგრეთის პრემიერ-მინისტრის ვიქტორ ორბანის განცხადებას ეხმიანებს, რომლის თანაცხმად, ეროვნულ რეფერენდუმზე უნგრეთის მოქალაქეთა აბსოლუტურმა უმრავლესობამ - 95 %, უკრაინის ევროკავშირში გაწევრიანების წინააღმდეგ მისცა ხმა.

„რა უნდა ვთქვა, არც იქანე (NATO) მიმიღონ, არც აქანე (EU) გავჩერდე“ - ანუ, რა „მოიგო“ უკრაინამ აგენტოკრატიული რეჟიმის 11-წლიანი ისტორიის მანძილზე? თუ შესაძლებელია მსოფლიო ისტორიის სახელმძღვანელოებში შეტანილი იქნას ეტალონურად მკაფიო მაგალითი იმისა, თუ რა არ უნდა (!) გააკეთო, თუ კი გაგაჩნია პრეტენზია გერქვას სახელმწიფო, იყო დამოუკიდებელი და შექმნა ისტორიული წარსული - ეს ცალსახად უკრაინაა. საქართველოსაც ჰქონდა ამის რეალური საფრთხე, მაგრამ უფლის ნებით, ბიძინა ივანიშვილის თავდადებით და ქართველი ხალხის სიბრძნით - „ნურას უკაცრავად“. ამ მარშრუტზე „შემდეგი გაჩერება“ ამჟამად მოლდოვას ეკუთვნის.

რაც შეეხება ზოგადად „ურსულას სახელობის მეტროპოლიტენს“ - მან საბოლოოდ მოირგო „ევრო-გორბაჩოვის“ მანტია და მის ხელში „ევროსაბჭოთა კავშირს“ - გადარჩენის თეორიული შანსიც კი არ გააჩნია...“ - წერს დავით ქართველიშვილი.