147
18 ივლისი 2025, 13:41
გრძელდება ევროკავშირის და გლობალური ომის პარტიის ბრძოლა საქართველოს წინააღმდეგ, “დიფ სთეითი” საქართველოში საკუთარ მარცხს და საქართველოში არსებულ მშვიდობას ვერ ეგუება, მათი სურვილი უცვლელია, როგორმე საქართველო ომში ჩართონ, რათა თვითონ ამოსუნთქვის საშუალება ჰქონდეთ და საკუთარ მიზანს ქართველების სისხლის ხარჯზე მიაღწიონ - ასე ეხმაურება „ხალხის ძალის“ წევრი, თამთა მეგრელიშვილი პრემიერ-მინისტრის ბრიფინგს.
როგორც მეგრელიშვილი აღნიშნავს, ბოლო წლებში დასავლეთისგან ზეწოლამ პერმანენტული ხასიათი მიიღო, განსაკუთრებით არჩევნების წინა პერიოდში აქტიურდებიან, რათა ხალხის განწყობებზე მანიპულაციით, მათთვის სასურველი შედეგი მიიღონ, მაგრამ მუდმივად მარცხდებიან, რადგან ქართველი ხალხი ბრძენია და არჩევნებზე სწორ არჩევანს აკეთებს.
„გრძელდება ევროკავშირის და გლობალური ომის პარტიის ბრძოლა საქართველოს წინააღმდეგ, “დიფ სთეითი” საქართველოში საკუთარ მარცხს და საქართველოში არსებულ მშვიდობას ვერ ეგუება, მათი სურვილი უცვლელია, როგორმე საქართველო ომში ჩართონ, რათა თვითონ ამოსუნთქვის საშუალება ჰქონდეთ და საკუთარ მიზანს ქართველების სისხლის ხარჯზე მიაღწიონ!
ბოლო წლებში დასავლეთისგან ზეწოლამ პერმანენტული ხასიათი მიიღო, ისინი განსაკუთრებით არჩევნების წინა პერიოდში აქტიურდებიან, რათა ხალხის განწყობებზე მანიპულაციით, მათთვის სასურველი შედეგი მიიღონ, მაგრამ მუდმივად მარცხდებიან, რადგან ქართველი ხალხი ბრძენია და არჩევნებზე სწორ არჩევანს აკეთებს, ხალხმა ყველაზე უკეთ იცის, რას ნიშნავს ქართული ოცნების გარდა, სხვა ძალის გამარჯვება, ეს მეორე დღეს ომში ჩართვას და ქვეყნის განადგურებას ნიშნავს..
ქვეყნის, რომელიც ეკონომიკური ზრდის ტემპით და მოსახლეობის კეთილდღეობის ინდექსით მსოფლიოს ლიდერ პოზიციაზე იმყოფება....
არჩევნების მოახლოებასთან ერთად კვლავ გააქტიურდა ევროკავშირი, რომელმაც საქართველოს არასერიოზული პირობები წამოუყენა.
მარტივი მოცემულობაა, რომ ქართველ ხალხთან ულტიმატუმის ენით საუბარი დაუშვებელია, რადგან ჩვენთვის სახელმწიფო ინტერესები უპირველესია!
ბრიფინგის დროს, პრემიერმა ირაკლი კობახიძემ ვრცლად ისაუბრა დღეს მსოფლიოში და საქართველოში არსებული მდგომარეობის შესახებ, სამწუხაროდ კვლავ არ შეცვლილა ომის რიტორიკა, არ შეცვლილა საქართველოსადმი დასავლეთის დამოკიდებულება (აშშ-ს ახალი ადმინისტრაციის პოლიტიკა მნიშვნელოვნად შეიცვალა, მაგრამ კვლავ არის ხარვეზები) დღეს, საქართველოს ომში ჩართვის მცდელობაზე წარსულში ვერ ვისაუბრებთ, რადგან დასავლეთის მხრიდან საქართველოს ომში ჩართვის საფრთხე კვლავ რეალური და მზარდია, რასაც მათ მიერ გადადგმული ნაბიჯები და განცხადებები ადასტურებს!“ - წერს მეგრელიშვილი.
| სარეკლამო ადგილი - 11 650 x 60 |
