ავღანეთში მიწისძვრის შედეგად დაღუპულთა რიცხვი 812-მდე გაიზარდა, დაშავებულია 2 800-ზე მეტი ადამიანი.

6.0 მაგნიტუდის სიმძლავრის მიწისძვრა კვირას, ადგილობრივი დროით 23:47 საათზე მოხდა. ეპიცენტრი ჯალალაბადიდან, ქვეყნის სიდიდით მეხუთე ქალაქიდან 27 კმ-ის დაშორებით იყო.

სამძებრო-სამაშველო ოპერაციები გრძელდება. ავღანეთის ჯანდაცვის სამინისტროს ინფორმაციით, კუნარის პროვინციაში სამი სოფელი სრულად განადგურდა, დანარჩენებს კი მნიშვნელოვანი ზიანი მიადგა. ხელისუფლების წარმომადგენლების თქმით, წინასწარი ინფორმაციით, ერთ სოფელში 30 ადამიანი დაიღუპა, ხოლო ასობით დაშავებული საავადმყოფოში გადაიყვანეს.