სუს-ის ინფორმაციას, რომ მძღოლს „ჰექსოგენი“ უკრაინაში, უკრაინის სპეცსამსახურმა, ე.წ. „ესბეუს“ თანამშრომლებმა გადასცეს, ნივთიერების ბოლო დანიშნულების ადგილად კი იკვეთება თბილისი, ავლაბრის ტერიტორიაზე მდებარე ერთ-ერთი საცხოვრებელი სახლი, პარტია „ხალხის ძალის“ წევრი დავით ქართველიშვილი სოციალური ქსელით ეხმიანება და გამოთქვამს ვარაუდს, რომ ამ საქმეში მონაწილეობს СБУ-ს კონტრდაზვერვის დეპარტამენტის დირექტორის მოადგილე გია ლორთქიფანიძე.

ექსპერტი იმედს გამოთქვამს, რომ ამ საქმესთან დაკავშირებით, საქართველოდან გაძევებული იქნება უკრაინის საელჩოს დროებითი რწმუნებული რომან იაკოვენკო.

„სუსის ინფორმაციით, საქართველოში ჩამოტანის მიზნით, მძღოლს „ჰექსოგენი“ უკრაინაში, უკრაინის უსაფრთხოების სამსახურის (СБУ) თანამშრომლებმა გადასცეს. ნივთიერების ბოლო დანიშნულების ადგილად კი თბილისი დასახელდა, უფრო კონკრეტულად კი, ავლაბრის უბნის ტერიტორიაზე მდებარე ერთ-ერთი საცხოვრებელი სახლი. ამაზე მეტი ინფორმაცია ამ ეტაპზე, გამოძიების ინტერესებიდან გამომდინარე, ჩვენ არ გაგვაჩნია, მაგრამ მოდით და "ვივარაუდოთ", რომ ამ საქმესთან უშუალო ჩართულობაში იქნებოდა ჩვენთვის კარგად და ავად ცნობილი, СБУ-ს კონტრდაზვერვის დეპარტამენტის დირექტორის მოადგილე გია ლორთქიფანიძე.

დიახ, სწორედ ის გია ლორთქიფანიძე, რომლის უშუალო მონაწილეობა 2021 წლის გაზაფხულზე, იმ კონკრეტული ტრაილერის, კონკრეტული მძღოლის გადმობირებაში, რომელმაც შემოდგომაზე კონტრაბანდულად ჩამოგვიტანა "ტოქსიკური ტვირთი", ეს კი ეჭვგარეშეა და დამტკიცებულია ჩვენებებით. ეს ის გია ლორთქიფანიძეა, რომელიც აუცილებლად წარდგება ქართული მართლმსაჯულების წინაშე არაერთი სხვა ჩადენილი დანაშაულის გამო, როგორც კი დადგება ამის ჟამი.

აბსოლუტურად ვარ დარწმუნებული გია ლორთქიფანიძის და მისი კოლეგების კვალში წინა პერიოდშიც იმავე მარშრუტით (უკრაინა-EU-თურქეთი-საქართველო) ტერორისტული აქტების განხორციელების მიზნით ჩვენთან საშიში ტვირთების გამოგზავნის საქმეში. ერთადერთი, რაშიც არ ვარ დარწმუნებული, თუმცა იმედს ვიტოვებ, რომ ამ ახალი გარემოებების ჭრილში, საქართველოდან გაძევებული იქნება უკრაინის საელჩოს დროებითი რწმუნებული (chargé d’affaires) რომან იაკოვენკო...“ - წერს დავით ქართველიშვილი.