მსოფლიოს 2025 წლის ჩემპიონატს თავისუფალი სტილით მოჭიდავეები ოთხი წონითი კატეგორიით გახსნიან.

საკვალიფიკაციო ეტაპის შეხვედრები საქართველოს დროით 12:30 საათიდან 61, 70, 86 და 125 კილოგრამებში დაიწყება.

საქართველოს სახელით იჭიდავებენ: გიორგი ღონიაშვილი (61 კგ), აკაკი ქემერტელიძე (70 კგ), ტარიელ გაფრინდაშვილი (86 კგ) და სოლომონ მანაშვილი (125 კგ).

აღნიშნულ ოთხ წონაში ფინალისტები დღესვე, საღამოს გამოვლინდებიან.