აშშ-ის პრეზიდენტი, დონალდ ტრამპი სოციალური ქსელში თურქეთის პრეზიდენტ რეჯეფ თაიფ ერდოღანთან შეხვედრასა და ორ ქვეყანას შორის არსებულ თანამშრომლობაზე წერს.

„მოხარული ვარ, 25 სექტემბერს თეთრ სახლში ვუმასპინძლო თურქეთის პრეზიდენტს, რეჯეფ თაიფ ერდოღანს. პრეზიდენტთან ერთად, ჩვენ ვმუშაობთ მრავალ სავაჭრო და სამხედრო შეთანხმებაზე, მათ შორის, Boeing-ის თვითმფრინავების ფართომასშტაბურ შესყიდვაზე, F-16-ის დიდ შეთანხმებასა და F-35-თან დაკავშირებული მოლაპარაკებების გაგრძელებაზე, რომლის პოზიტიური დასასრულის იმედი გვაქვს“, - წერს ტრამპი.

მისი თქმით, ერდოღანთან ყოველთვის კარგი ურთიერთობა ჰქონდა და მოუთმენლად ელის მასთან შეხვედრას.