უკრაინის პრეზიდენტი ვლადიმერ ზელენსკი თვითიზოლაციაში გადავიდა, - ამის შესახებ ინფორმაციას უკრაინული მედია ავრცელებს.

მათივე ცნობით, პრეზიდენტმა პირდაპირი შეხვედრები შეწყვიტა და ონლაინ შეხვედრების ფორმატზე გადავიდა. 

„პრეზიდენტი მასობრივ ღონისძიებებს აღარ დაესწრება, გადაიდო ყველა სამუშაო ვიზიტი. მასთან პირდაპირი კომუნიკაციის შესაძლებლობა მხოლოდ პირად დაცვასა და პირად ასისტენტებს ექნებათ,“- ნათქვამია უკრაინის პრეზიდენტის ადმინისტრაციის პრესსამსახურის მიერ გავრცელებულ განცხადებაში.

 საქმე ისაა, რომ გუშინ ვლადიმერ ზელენსკის მეუღლეს ელენა ზელენსკაიას კორონავირუსი დაუდასტურდა, თავად პრეზიდენტის ტესტის პასუხი კი უარყოფითი იყო.