252
30 სექტემბერი 2025, 21:23
„ხალხის ძალის“ წევრი დავით ქართველიშვილი MI6-ის ახალ ხელმძღვანელად ბლეიზ მეტრეველის ოფიციალურად დანიშვნას სოციალურ ქსელში ეხმიანება და მასზე საუბრისას ბლეიზ მეტრეველის ბიოგრაფიიდან რამდენიმე თარიღსა და მოვლენაზე აკეთებს აქცენტს. ასევე აქვეყნებს MI6-ის ყოფილი ხელმძღვანელის ჯონ სოუერსის გამონათქვამებს, რომლითაც ის ბლეიზ მეტრეველს ახასიათებს.
„რამდენიმე დღის წინ ბაქოში დაზვერვის სამსახურების ფორუმში მონაწილეობის მიუხედავად, ბლეიზ მეტრეველი, სწორედ ხვალ, 1 ოქტომბერს, ოფიციალურად დაიკავებს MI6-ის ხელმძღვანელის ახალ თანამდებობას. ამიტომ, კიდევ ერთხელ, მოკლედ გავიხსენოთ მისი ბიოგრაფია. ბლეიზ მეტრეველი დაიბადა 1978 წელს ინგლისში, ხოლო გაიზარდა ჰონგ-კონგში, სადაც მამამისი, კონსტანტინე მეტრეველი (გამორჩეული რადიოლოგი) ჰონგ-კონგის ჩინეთის უნივერსიტეტის დიაგნოსტიკური რადიოლოგიის განყოფილების ყოფილი ხელმძღვანელი იყო.
X-ში გამოქვეყნებული პოსტების თანახმად, ის ბრიტანეთის ჯარში მსახურობდა, იმ ნაწილში, რომელიც 1982 წლიდან 1985 წლამდე ერ-რიადში იყო განლაგებული. ჰონგ-კონგის მულტიკულტურულ გარემოში მისმა აღზრდამ, კემბრიჯის უნივერსიტეტში მიღებულ განათლებასთან ერთად, ჩამოაყალიბა ბლეიზ მეტრეველის გლობალური ხედვა, რაც შეესაბამება MI6-ის ძირითად მისიას - საერთაშორისო საფრთხეებთან ბრძოლას.
საინტერესოა MI6-ის ყოფილი ხელმძღვანელის ჯონ სოუერსის მისი დახასიათება: „ჩემი კარიერის უმეტესი ნაწილი საგარეო საქმეთა სამინისტროში გავატარე. ბლეიზს არ ვიცნობდი, MI6-ის (2009 წლის ნოემბერში) უფროსის პოსტზე დანიშვნამდე, მაგრამ მას ახლო აღმოსავლეთში ჩემი პირველი მოგზაურობის დროს შევხვდი, სადაც ის MI6-ის რეზიდენტურის ხელმძღვანელი იყო და ფანტასტიკურ სამუშაოს ასრულებდა. მან თავიდანვე ძლიერი შთაბეჭდილება მოახდინა ჩემზე...ის საკმაოდ შთამაგონებელი ადამიანია; ძალიან მკაფიო და მიზანდასახული, მაგრამ ასევე აქვს კარგი იუმორის გრძნობა და ადამიანების მართვის ნიჭი,“ - წერს დავით ქართველიშვილი.
| სარეკლამო ადგილი - 11 650 x 60 |
