უნგრეთის პრემიერ-მინისტრმა, ვიქტორ ორბანმა განაცხადა, რომ უნგრეთი და კიდევ რამდენიმე ქვეყანა ხედავენ, რომ ევროკავშირი ომისკენ მიექანება, რაც გამოიწვევს იმას, რომ ევროპელი სამხედროები სახლში კუბოებით დაბრუნდებიან.

„სულ უფრო და უფრო მეტი ქვეყანა, უნგრეთის მსგავსად, გრძნობს, რომ ჩვენ [ევროკავშირი] ომისკენ მივექანებით და ადრე თუ გვიან სახლში დაბრუნდება კუბოები ჩვენი დაღუპული ახალგაზრდებით. ეს საფრთხე იზრდება და მათ არ სურთ ამ რისკის საკუთარ თავზე აღება“, - აღნიშნა უნგრეთის პრემიერმა.