საქართველოს პრემიერ-მინისტრმა მიიღო ისტორიული გადაწყვეტილება, საქართველომ ტრადიციულად უმნიშვნელოვანესი როლი შეასრულოს, რის ფარგლებშიც, ფაქტობრივად, უსასყიდლოდ გავატარებთ იმ ტვირთს, რომელიც აზერბაიჯანიდან სომხეთში მიემართება, – ამის შესახებ ეკონომიკისა და მდგრადი განვითარების მინისტრმა მარიამ ქვრივიშვილმა საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ განაცხადა.
მისივე თქმით, ეს მათ შორის არის ერთგვარი დემონსტრირება, რამდენად კეთილგანწყობილია საქართველოს ურთიერთობები.
„ჩვენ გვაქვს მჭიდრო, სტრატეგიული და მეგობრული ურთიერთობები აზერბაიჯანთან. შეიძლება თამამად ითქვას, რომ ყოველდღიურ კავშირზე ვიმყოფებით ჩვენს კოლეგებთან, რამდენადაც ჩვენ გვაკავშირებს ძალიან ბევრი სექტორი. მათ შორის, როდესაც ვსაუბრობთ გადაზიდვებზე, განსაკუთრებით გამოვყოფდი თანამშრომლობას შუა დერეფნის პროექტის ფარგლებში, სადაც საქართველო, აზერბაიჯანი და ყაზახეთი ერთმანეტთან შეთანხმებული გეგმა-გრაფიკით ვოპერირებთ. მაქსიმუმს ვაკეთებთ, რათა შეთანხმებული პროექტები შეთანხმებული გეგმა-გრაფიკით უზრუნველვყოთ. ჩვენი ინფრასტრუქტურების განვითარება, გამტარუნარიანობის ზრდა, რათა ჩვენმა ქვეყნებმა განაგრძონ, შექმნან ძალიან დიდი ღირებულება, უპირატესობა, ისევე როგორც მაქსიმალურად უზრუნველვყოთ ერთობლივი ძალისხმევით, რომ შუა დერეფანი იყოს ერთ-ერთი გამორჩეულად კონკურენტუნარიანი მარშრუტი“.
| სარეკლამო ადგილი - 11 650 x 60 |
