120
20 დეკემბერი 2025, 07:38
საქართველოს ეროვნულმა ოლიმპიურმა კომიტეტმა 2025 წლის სპორტული შედეგების მიხედვით წარმატებული სპორტსმენები დაასახელა.
საქართველოს ეროვნული ოლიმპიური კომიტეტის ნომინაციებში გამარჯვებულები:
- 2025 წლის საქართველოს საუკეთესო სპორტსმენები:
მსოფლიოს ჩემპიონები - ძიუდოისტი ეთერ ლიპარტელიანი და მოფარიკავე სანდრო ბაზაძე.
- 2025 წლის აღმოჩენა - „ოლიმპიური იმედი” - ბერძნულ-რომაულ სტილით ჭიდაობაში მსოფლიოს ჩემპიონი ვახტანგ ლოლუა.
- 2025 წლის აღმოჩენა - ,,ოლიმპიური იმედი”- ფიგურულ ციგურაობაში ევროპის ახალგაზრდული ოლიმპიური ფესტივალის გამარჯვებული ინგა გურგენიძე.
- 2025 წლის საქართველოს საუკეთესო სპორტსმენები სპორტის ზამთრის სახეობებში - ფიგურულ ციგურაობაში მსოფლიოს ჩემპიონები ახალგაზრდებში, მრავალი საერთაშორისო ტურნირის გამარჯვებულები და პრიზიორები -ლუკა ბერულავა და ანასტასია მეტელკინა.
- 2025 წლის საქართველოს საუკეთესო სპორტსმენი სპორტის სათამაშო სახეობებში - სახელოვანი კალათბურთელი თორნიკე შენგელია.
- 2025 წლის საუკეთესო ფედერაცია - საქართველოს ფარიკაობის ფედერაცია.
- 2025 წლის ქალთა სპორტში დასაქმებული საუკეთესო მწვრთნელები - მეგი ქადაქიძე (ტყვიის სროლა) და თეიმურაზ ჯანჯღავა (ძალოსნობა).
- 2025 წელს სეოკ-ის საუკეთესო რეგიონალური ორგანიზაცია - სეოკ-ის მცხეთა-მთიანეთის რეგიონალურ ორგანიზაცია.
- 2025 წლის საქართველოს საუკეთესო მწვრთნელი - კახაბერ მოცრაძე ( ძიუდოს ქალთა ნაკრების მწვრთნელი)
- ოლიმპიურ მოძრაობაში შეტანილი განსაკუთრებული წვლილისთვის - პაატა ნაცვლიშვილი( სეოკ-ის ერთ-ერთი დამფუძნებელი, ცნობილი ჟურნალისტი და პუბლიცისტი)
- 2025 წელს ოლიმპიური სპორტის მხარდაჭერისთვის - სეოკ-ის გენერალური სპონსორი ,, საქართველოს ბანკი“
- 2025 წლის საუკეთესო სპორტული გუნდი - საქართველოს ძიუდოისტთა ნაკრები გუნდი.
| სარეკლამო ადგილი - 11 650 x 60 |
