121
13 იანვარი 2026, 18:17
ფეისბუქ მომხმარებელი, ნუნუშა ვასაძე, ყოფილი პრემიერ-მინისტრის, ირაკლი ღარიბაშვილის დაკავებას ეხმიანება და აცხადებს, რომ როდესაც ბიძინა ივანიშვილს ორი მილიარდი დაუსანქცირეს, ღარიბაშვილი და სუს-ის ყოფილი უფროსი, გრიგოლ ლილუაშვილი, მაშინ იპარავდნენ ფულს.
ვასაძის თქმით, ღარიბაშვილი, ზოგიერთმა კინაღამ წმინდანად შერაცხა, მისი საქციელი კი, არამხოლოდ კორუფცია, არამედ, "ვირთხობაა" და ყველაფერს თავისი სახელი უნდა დაერქვას.
"ძალიან ვუჭერდი მხარს ირაკლი ღარიბაშვილს. არანორმალურად მეწყინა, როცა კორუფციაში გახვეული აღმოჩნდა და უბრალოდ გავჩუმდი…
გუშინ ვიღაცებმა კინაღამ წმინდანად შერაცხეს. ახლა მომისმინეთ ყველამ. ბიძინას რომ ორი მილიარდი დაუსანქცირეს, ღარიბაშვილი და ლილუაშვილი თურმე მაშინ იპარავდნენ ფულს და ჯიბეში იდებდნენ. ხალხმა აქ ქვეყნისთვის თავი გადადო, რეები გადაიტანეს და ესენი ამ დროს მილიონებს შოულობდნენ.
ეგ კორუფცია არ არის მხოლოდ. ეგ ვირთხობაა და ყველაფერს თავისი სახელი უნდა დაერქვას. კაცმა ბოლომდე არ გაწირა, 5 წელი აკმარა და არ მოასვენათ გამჩენმა" - წერს ნუნუშა ვასაძე Facebook-ზე.
| სარეკლამო ადგილი - 11 650 x 60 |
