ზამთრის ოლიმპიადის გუნდური ტურნირის საკვალიფიკაციო ეტაპზე იასპარეზა ნიკა ეგაძემ. ქართველმა ფიგურულმა მოციგურავემ მოკლე პროგრამაში მსაჯებისგან 84,37 ქულა დაიმსახურა და საქართველოს გუნდური 5 ქულა მოუპოვა.

ამ ეტაპზე საქართველოს ნაკრები 25 ქულით მეოთხე ადგილზე იმყოფება.

ზამთრის XXV ოლიმპიური თამაშები 22 თებერვალს დაიხურება. ოლიმპიურ თამაშებზე საქართველო სპორტის ორ სახეობაში - ფიგურულ ციგურაობასა და სამთო-სათხილამურო სპორტში - რვა სპორტსმენითაა წარმოდგენილი.