ირანში ჩამოგდებულ ამერიკულ ავიაგამანადგურებელ F-15-ზე მყოფი ეკიპაჟის წევრი ამერიკელმა სამხედროებმა გადაარჩინეს. ამის შესახებ ორმა მაღალჩინოსანმა „სიბიეს ნიუსთან“ ინტერვიუში განაცხადა.

წყაროები ადასტურებენ ინფორმაციას, რომ ჩამოგდებული ამერიკული F-15-ის ეკიპაჟის ერთი წევრი ამერიკულმა ძალებმა გადაარჩინეს.

როგორც მედია წერს, F-15-ის ეკიპაჟი სულ ორი ადამიანისგან შედგება, შესაბამისად, ეკიპაჟის მეორე წევრის სამაშველო-სამძებრო ოპერაცია გრძელდება.

ცნობისთვის, „ენბისი ნიუსი“ წყაროებზე დაყრდნობით წერდა, რომ ამერიკული F-15 ტიპის გამანადგურებელი ირანის თავზე ჩამოვარდა. ამასთან, თეთრი სახლის პრესსპიკერმა, კეროლაინ ლევიტმა აღნიშნა, რომ დონალდ ტრამპი ირანში ამერიკული თვითმფრინავის ჩამოვარდნის შესახებ ინფორმირებულია.

მანამდე „ისლამური რევოლუციის გუშაგთა კორპუსმა“ ორი ამერიკული სამხედრო თვითმფრინავის ჩამოგდების შესახებ განაცხადა.