ვინც იცის რა არის გეოპოლიტიკა, იმათმა ძალიან კარგად იციან, რომ საქართველოს გვერდის ავლით ასეთი პროექტები ვერ განხორციელდება. საქართველოში მშვიდობა არის ძალიან მნიშვნელოვანი ევროპისთვის და ევროპული უსაფრთხოებისთვის, - განაცხადა „დღის ქრონიკაში“ პარლამენტის ვიცე-სპიკერმა, პარტია „ხალხის ძალის“ თავმჯდომარემ, სოზარ სუბარმა.
მისი თქმით, ევროპისა და შეერთებული შტატების ინტერესია, რომ ჰქონდეთ უფრო ფართო წვდომა ცენტრალური აზიის სიმდიდრეებზე. ეს კი საქართველოს გვერდის ავლით ძალიან გაძნელდება.
„როდესაც ევროპარლამენტში დადის ჟურნალისტი და ეკითხება ევროპარლამენტარებს, რომ „აი, მე მაქვს რუკა და იქნებ მაჩვენოთ ირანი სად არის?“ - პრაქტიკულად, არც ერთმა გამოკითხულმა არ იცოდა, სად იყო ირანი. რატომ უნდა გაგვიკვირდეს, რომ ეს ადამიანები საერთოდ არ ფიქრობენ არც თავის სამშობლოზე და მით უმეტეს არც სხვა ქვეყნებზე - რა იქნება, როგორ იქნება. ვინც იცის რეალურად რა არის გეოპოლიტიკა, ვინც იცის რა არის გეოგრაფია იმათმა ძალიან კარგად იციან, რომ საქართველოს გვერდის ავლით ასეთი პროექტები ვერ განხორციელდება და საქართველოში მშვიდობა არის ძალიან მნიშვნელოვანი ევროპისთვის და ევროპული უსაფრთხოებისთვის.
მომავალში ევროპისა და შეერთებული შტატების ინტერესია, რომ მათ ჰქონდეთ უფრო ფართო წვდომა ცენტრალური აზიის სიმდიდრეებზე. ცენტრალური აზიის სიმდიდრეებზე წვდომა საქართველოს გვერდის ავლით ძალიან გაძნელდება. ერთ-ერთი მოკლე გზა ნამდვილად არის ამ მიმართულებით საქართველო. ძალიან მნიშვნელოვანია ჩინური ტვირთების ევროპისკენ ტრანზიტისთვის საქართველოს დერეფანი.
ბუნებრივია საქართველო ვერ იქნება ერთადერთი დერეფანი. დამთავრდება რუსეთ-უკრაინის ომი, რუსეთშიც მთავრობა შეიცვლება, რაღაც ურთიერთობებს დაამყარებენ ევროპელები რუსეთთან და რუსეთის მიმართულებითაც გავა ტვირთები. ისევე, აზერბაიჯანის და სომხეთის მიმართულებით ახალი გზის მშენებლობაც გარკვეულ ტვირთებს მიიზიდავს. მაგრამ საქართველო აქ ერთი მხრივ უნდა იყოს კონკურენტუნარიანი და მეორე მხრივ, როდესაც დიდ რეგიონში არის მშვიდობა და ეკონომიკური განვითარება ტვირთები იქნება სრულიად საკმარისი ყველასთვის. ნეტა შეგვეძლოს გატარება. ამ მხრივ ძალიან მნიშვნელოვანია მჭიდრო ურთიერთობები, რომელიც არსებობს საქართველოს და აზერბაიჯანის სახელმწიფოებს შორის“, - განაცხადა სოზარ სუბარმა.
| სარეკლამო ადგილი - 11 650 x 60 |
