მეუფე პეტრე კვლავ შეურაცხმყოფელი, ცილისმწამებლური განცხადებებით გამოვიდა პატრიარქის მისამართით და ძალიან საკვირველია, როდესაც ელემენტარული კულტურის ნორმებია დასაცავი, - განუცხადა „იმედის კვირას“ საპატრიარქოს საზოგადოებასთან ურთიერთობის სამსახურის ხელმძღვანელმა დეკანოზმა ანდრია ჯაღმაიძემ.

„ადამიანი ახალგარდაცვლილია. ორმოცი არ გასულა მისი, არის სააღდგომო-სადღესასწაულო დღეები და ძალიან საკვირველია, ამ პერიოდში პოულობ ასეთ განწყობებს საკუთარ თავში, რომ მსგავსი რამ ისაუბრო ადამიანზე, რომელსაც მთელი საქართველო გაეტირა“, - აღნიშნა მან.

ცნობისთვის, პეტრე ცაავამ განაცხადა, რომ წარსულში კათოლიკოს-პატრიარქ ილია მეორის მისამართით გაკეთებულ შეურაცხმყოფელ განცხადებებს არ ნანობს.