პარტია „ახალის“ ლიდერი ნიკა გვარამია მიხეილ სააკაშვილის პოსტს ეხმაურება, რომელშიც ის ოპოზიციას აკრიტიკებს და ოპოზიციურ გაერთიანებას სტრატეგიას უწუნებს.
ნიკა გვარამია მიიჩნევს, რომ სააკაშვილის კრიტიკის ობიექტი მისივე პარტიაა.
„პირველ რიგში, წერს საკუთარ პარტიაზე, რომელიც მას ჰყავს მოგეხსენებათ. გასაგებია, რომ გვინდა ცვლილებები, მით უმეტეს საქართველოს პრეზიდენტს 9 წლის განმავლობაში. მაგრამ რეალობა იმგვარია, როგორც არის და ყველანი ვცდილობთ ერთად, რომ ყველაფერი გამოგვივიდეს. მე არ ვარ დაბალი წარმოდგენის ქართულ ოპოზიციაზე“, - განაცხადა ნიკა გვარამიამ.
ცნობისთვის, მიხეილ სააკაშვილმა „ფეისბუქზე“ შემდეგი შინაარსის პოსტი გამოაქვეყნა: „ახლა ცალ-ცალკე მოყელყელავე პარტიების და სინამდვილეში „ფეისბუქ კუტოკების“ ნაცვლად, საჭიროა დეცენტრალიზებული ჰორიზონტალური რადიკალური წინააღმდეგობის მოძრაობა“.
| სარეკლამო ადგილი - 11 650 x 60 |
