საქართველოში ოჯახის სიწმინდისა და მშობლების პატივისცემის დღე აღინიშნა.
დღევანდელ დღესთან დაკავშირებით თბილისსა და დიდ ქალაქებში მსვლელობა გაიმართა. თბილისში სამღვდელოება და მრევლი 10:00 საათზე ქაშვეთის წმინდა გიორგის სახელობის ტაძარში შეიკრიბა. ქაშვეთთან შეკრებილი მსვლელობის მონაწილეები 11:00 საათზე საზეიმო ლოცვითი მსვლელობით გაემართნენ ყოვლადწმინდა სამების სახელობის საპატრიარქო ტაძრისკენ, სადაც სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა შიო მესამემ პირველი სადღესასწაულო წირვა აღავლინა. წირვას სხვადასხვა ეკლესიის დელეგაციები და ხელისუფლების წარმომადგენლები დაესწრნენ, რომლებმაც წირვის დასრულების შემდეგ ტაძარში შეკრებილებს სიტყვით მიმართეს.
თბილისის გარდა, საყოველთაო მსვლელობა გაიმართა რუსთავში, ქუთაისში, გორში, ბათუმში, ახალციხეში, ზუგდიდში, თელავში, მცხეთასა და ოზურგეთში.
| სარეკლამო ადგილი - 11 650 x 60 |
