ჩვენნაირი ქვეყნებისთვის ძალიან მნიშვნელოვანია ჩინეთთან ღრმა ურთიერთობა. როცა ჩვენ ვლაპარაკობთ საქართველოს როლზე აღმოსავლეთისა და დასავლეთის დაკავშირებასთან დაკავშირებით „შუა დერეფანზე“, წარმოუდგენელია ეს როლი ჩინური ტვირთების გარეშე, - განაცხადა პარლამენტის ვიცე-სპიკერმა, პარტია „ხალხის ძალის“ თავმჯდომარემ სოზარ სუბარმა საქართველოს პარლამენტის დელეგაციის ჩინეთში ვიზიტთან დაკავშირებით.
მისი თქმით, ჩინეთთან მჭიდრო კავშირების მნიშვნელობას, ის ურთიერთობებიც ადასტურებს, რომელიც ევროპელ და ამერიკელ ლიდერებს ჩამოუყალიბდათ ამ ქვეყანასთან.
„თანამედროვე მსოფლიოში ძალიან ძნელია, რომ გადაჭარბებით შეაფასო ჩინეთის როლი, ის როლი, რომელსაც ის ახდენს მსოფლიო პოლიტიკაზე ან ის როლი, რომელიც მას უკავია მსოფლიო ეკონომიკაში. მით უმეტეს ჩვენნაირი ქვეყნებისთვის ძალიან მნიშვნელოვანია ჩინეთთან ღრმა ურთიერთობა. როცა ჩვენ ვლაპარაკობთ საქართველოს როლზე აღმოსავლეთისა და დასავლეთის დაკავშირებასთან დაკავშირებით „შუა დერეფანზე“, წარმოუდგენელია ეს როლი ჩინეთის, ჩინური ტვირთების გარეშე. ამიტომ ძალიან მნიშვნელოვანია სწორედ მჭიდრო ურთიერთობები ჩინეთთან. ქართველი რადიკალების ყვირილი ჩინეთთან კავშირის შეუძლებლობაზე, მათ ამ განცხადებებს ცივ წყალს ასხამენ ევროპელი და ამერიკელი ლიდერები თავიანთი მჭიდრო კონტაქტებით ჩინეთთან“, - განაცხადა სოზარ სუბარმა.
საქართველოს პარლამენტის დელეგაცია ჩინეთში იმყოფება. შალვა პაპუაშვილს მაღალი დონის შეხვედრები აქვს დაგეგმილი. ეს ბოლო 20 წელიწადში საქართველოს პარლამენტის თავმჯდომარის პირველი ოფიციალური ვიზიტია ჩინეთში.
| სარეკლამო ადგილი - 11 650 x 60 |
