იმ ცვლილებების ფონზე, რომლებსაც ევროკავშირში უკრაინელი ლტოლვილებისთვის ამზადებენ, ევროკავშირის წევრი ქვეყნები განიხილავენ შეზღუდვების ვარიანტებს გასაწვევი ასაკის იმ უკრაინელი მამაკაცებისთვის, რომლებიც ევროკავშირში იმყოფებიან. ამის შესახებ „დოიჩე ველესთან“ ინტერვიუში ევროკავშირში უკრაინელების საკითხებში სპეციალურმა წარმომადგენელმა, ილვა იოჰანსონმა განაცხადა.
„არცთუ ისე ლოგიკურად გამოიყურება ის ფაქტი, რომ ბევრი გასაწვევი ასაკის მამაკაცი, რომელსაც უკრაინის დატოვების უფლება არ აქვს, როგორც კი გადაკვეთს საზღვარს - შესაძლოა, არალეგალურადაც კი - მაშინვე იღებს დროებით თავშესაფარს“, - განაცხადა ილვა იოჰანსონმა.
მან ამას უწოდა „წინააღმდეგობრივი სიგნალი, რომელსაც ევროპა უკრაინას უგზავნის“. ამასთანავე, იოჰანსონმა აღნიშნა ის სამხედრო მხარდაჭერა, რომელსაც ევროპა უკრაინას რუსეთის წინააღმდეგ ბრძოლაში უწევს.
მან მხარი დაუჭირა ლტოლვილის სტატუსში გარკვეული გამონაკლისების დაწესებას. ამავდროულად, მან აღნიშნა, რომ ამ თემაზე დისკუსიები ჯერ კიდევ გრძელდება და შეზღუდვების საბოლოო ვარიანტებთან დაკავშირებით კონსენსუსისთვის არ მიუღწევიათ. მან ასევე დასძინა, რომ თუ რაიმე სახის შეზღუდვები დაწესდება, ისინი „ძალიან უმნიშვნელო“ იქნება.
| სარეკლამო ადგილი - 11 650 x 60 |
