ინფორმირებული წყაროების განცხადებით, ტულსი გაბარდი ეროვნული დაზვერვის დირექტორის თანამდებობის დატოვებისთვის ემზადება, - წერს გამოცემა The Wall Street Journal-ი.

წყაროების თანახმად, გაბარდმა გარემოცვას განუცხადა, რომ თანამდებობიდას ტოვებს, რადგან მის მეუღლეს კიბოს მძიმე ფორმის დიაგნოზი დაუსვეს. გაბარდი 2015 წლიდან არის დაქორწინებული აბრაამ უილიამსზე.

მისი მოსალოდნელი გადადგომა ემთხვევა პერიოდს, როდესაც ტრამპი ირანზე ახალი დარტყმების განხორციელებას განიხილავს, იმ შემთხვევაში, თუ შუამავლები ვერ მიაღწევენ შეთანხმებას თეირანის ბირთვული პროგრამის შეწყვეტაზე, ან, სულ მცირე, ცეცხლის შეწყვეტის რეჟიმის გახანგრძლივებაზე შემდგომი მოლაპარაკებების საწარმოებლად.