საქართველოს ფეხბურთის ეროვნულმა ნაკრებმა ბაჰრეინი 2:0 დაამარცხა.

ამხანაგურ შეხვედრაში საქართველოს ნაკრები ლუკა ლოჩოშვილის გოლით დაწინაურდა. ლოჩოშვილმა ბურთი მეტოქის კარში 52-ე წუთზე გაიტანა.

76-ე წუთზე კი ხვიჩა კვარაცხელიამ პენალტი გამოიყენა და საქართველოს სასარგებლოდ ანგარიში 2:0 გახდა.

ხვიჩა კვარაცხელიასთვის ეს გოლი ეროვნული გუნდის რიგებში 23-ე იყო. ამ მაჩვენებლით ის გიორგი მიქაუტაძეს გაუთანაბრდა.