222
25 დეკემბერი 2019, 20:13
შიდა ქართლში, ატენისა და რკონის ხეობებში ამ დროისთვის ხანძრის ხუთი კერიდან ოთხი უკვე ლიკვიდირებულია.
რთული რელიეფის გამო, ხანძრის კერებთან სახანძრო მანქანების შეყვანა ვერ მოხერხდა, ამიტომ, ცეცხლთან ბრძოლა საგანგებო სიტუაციების მართვის სამსახურს ცოცხალი ძალით მოუწია. ადგილზე ორი დღის განმავლობაში 200-მდე მეხანძრე-მაშველი მუშაობდა.
ხანძრის ქრობის პროცესში დილიდან ჩართული იყო სასაზღვრო პოლიციის ორი ვერტმფრენი და თავდაცვის სამინისტროს მუხლუხებიანი ტექნიკა. ხანძრის სრულ ლიკვიდაციამდე ადგილზე რჩებიან მეხანძრე-მაშველები და სამუშაოებს აგრძელებენ.
ცეცხლი სოფელ ორმოცსა და სოფელ რკონში თავდაპირველად ხანძარი ტყის ქვედა საფარზე გაჩნდა და შემდეგ შერეულ ტყეზე გადავიდა.
| სარეკლამო ადგილი - 11 650 x 60 |
