მთელმა მსოფლიომ იხილა, თუ როგორ დაბრუნდა სამშობლოში ყოფილი პრეზიდენტი, ვაჟკაცურად და ღირსეულად, უკრაინის მოქალაქე მიხეილ სააკაშვილისგან განსხვავებით

481 18 იანვარი 2022, 13:13

,,ძალიან სამწუხაროა, რომ ექსპრეზიდენტმა სააკაშვილმა ასე სამარცხვინოდ გადალახა ჯერ უკრაინის და მერე საქართველოს საზღვარი, არაჟნებთან ერთად შემოიპარა და კიდევ ერთხელ აჩვენა საკუთარი ,,ვაჟკაცობაც" და საქართველოსადმი პატივისცემაც, თანაც 4 ადამიანი პატიმრობისთვის გაწირა.” - ასე აფასებს თბილისის საკრებულოს წევრი ვლადიმერ ბოჟაძე მიხეილ სააკაშვილის საქართველოში დაბრუნების საკითხს და მის ქვეყანაში შემოპარვას უკრაინის ყოფილი პრეზიდენტის პეტრო პოროშენკოს უკრაინაში დაბრუნებას ადარებს.

როგორც ბოჟაძე წერს მთელმა მსოფლიომ ნახა, თუ როგორ ღირსეულად დაბრუნდა სამშობლოში უკრაინის ყოფილი პრეზიდენტი.

,,გუშინ უკრაინამ და მთელმა მსოფლიომ იხილა, თუ როგორ დაბრუნდა სამშობლოში ყოფილი პრეზიდენტი პეტრო პოროშენკო, ვაჟკაცურად და ღირსეულად, უკრაინის მოქალაქე მიხეილ სააკაშვილისგან განსხვავებით. ძალიან სამწუხაროა, რომ ექსპრეზიდენტმა სააკაშვილმა ასე სამარცხვინოდ გადალახა ჯერ უკრაინის და მერე საქართველოს საზღვარი, არაჟნებთან ერთად შემოიპარა და კიდევ ერთხელ აჩვენა საკუთარი ,,ვაჟკაცობაც" და საქართველოსადმი პატივისცემაც, თანაც 4 ადამიანი პატიმრობისთვის გაწირა.” - წერს ბოჟაძე facebook -ზე.

სარეკლამო ადგილი - 11
650 x 60