721
04 თებერვალი 2022, 15:10
პარლამენტის ოპოზიციონერი ვიცე-სპიკერი ლევან იოსელიანი სოციალურ ქსელში ტვ „პირველის“ თოქშოუს „პირველი ხაზი“ წამყვანებს გიორგი ნიორაძეს და ვიკა ბუკიას მიმართავს და აცხადებს, რომ შალვა ნათელაშვილს მასზე და ალეკო ელისაშვილზე ბევრი დეზინფორმაციის და ბრალდების საშუალება მისცეს.
როგორც ლევან იოსელიანი სოციალურ ქსელში წერს, წამყვანების „ობიექტური“ დუმილის შემდეგ, ნათელაშვილისთვის გულწრფელად გადახდილი მადლობა დააკლდა.
„ვუყურე თქვენს გუშინდელ ეთერს, სადაც შალიკოს ჩემი და ალეკოს თავი ალანძღინეთ, ბევრი დეზინფორმაციის გავრცელების საშუალება მიეცით. თქვენი „ობიექტური“ დუმილის შემდეგ, მისთვის გულწრფელად გადახდილი მადლობა დამაკლდა მხოლოდ. არადა, მისთვის მხოლოდ ორი კითხვა უნდა დაგესვათ:
1. ვინაიდან ჩვენ, მე და ალეკო სუს-ის დავალებით პარლამენტში შევედით და შემდგომ სავარაუდოდ, სუს-ის დავალებით მთელი ოპოზიცია შემოგვყვა, უხერხულობას ხომ არ უქმნის ის ფაქტი, რომ თვითონაც იმავეს გაკეთებას აპირებს.
2. რამდენად სწორად მიაჩნია, ხალხის მიერ გადახდილი თანხიდან პარლამენტის წევრობაში აღებული 5 მილიონი დაფინანსება და 176 015 ლარი ხელფასი. მაშინ როცა პარლამენტში ერთხელ ფეხი არ შეუდგამს და არაფერი გაუკეთებია.
მესმის, რომ რთულად მოსაფიქრებელი კითხვებია, მაგრამ არც თქვენ ხართ დამწყები ჟურნალისტები.
წარმატებები "ობიექტურ" ჟურნალისტიკაში!“ - წერს ლევან იოსელიანი Facebook-ზე.
| სარეკლამო ადგილი - 11 650 x 60 |
