657
10 მარტი 2022, 21:07
ექსპერტი ლევან ნიკოლეიშვილი სოციალურ ქსელში აქვეყნებს პოსტს, სადაც იხსენებს თუ როგორ გადასცა ექსპრეზიდენტმა სააკაშვილმა არა ერთი სტრატეგიული ობიექტი რუსეთს 2008 წლის აგვისტოს ომის შემდგომ და სწორედ მისი მმართველობის დროს შემოვიდა უამრავი რუსული კომპანია საქართველოში.
ნიკოლეიშვილის თქმით რადიკალური ოპოზიცია, მათთან აფილირებული არასამთავრობო ორგანიზაციები და მათი ტელევიზიები სიამოვნებით ყველაფერს აკეთებენ, რომ საქართველო რამენაირად დააზიანონ. მათი მიზანი ქვეყნისა და ხალხის განადგურებაა.
„არ მეგულება ვინმე საქართველოში, ნორმალური ვინც რუსეთის უკრაინაში შეჭრას ამართლებდეს, მთელი ქვეყანა სოლიდარულია უკრაინელი ხალხის და მისი სუვერენიტეტის მიმართ. მაგრამ ასევე არ მეგულება ისეთი ბოროტი და ქვეყნის დამაზიანებელი ძალა, როგორიც რადიკალური ოპოზიცია, მათთან აფილირებული არასამთავრობო ორგანიზაციები და მათი პროპაგანდის მანქანები, ე.წ. ტელევიზიები. უკრაინაში დახოცილი ხალხის გვამებზე ხომ უნდათ ხელი მოითბონ, ასევე სიამოვნებით ყველაფერს აკეთებენ, რომ საქართველო რამენაირად დააზიანონ, პირდაპირ დამიზნებით ქვეყნისა და ხალხის განადგურება მათი მიზანია. რადიკალური ოპოზიციის ბელადმა სააკაშვილმა, 2008 წლის ომის შემდეგ, არაერთი სტრატეგიული ობიექტი (მარტო ენგურჰესი და ჟინვალ ჰესი, გეყოფა კაცს სალაპარაკოდ) გადასცა რუსეთს, შემოიყვანა უამრავი რუსული კომპანიები (გაზპრომი, რაოესი, ინტერ რაო...) საქართველოში. სააკაშვილის წარდგინებით რადიკალურ ოპოზიციის ერთ-ერთი ლიდერი გახლავთ, ბელად-კრიმინალის უახლოესი მეგობარი კობა ნაყოფია, რუსეთის მოქალაქე და რუსი ბიზნესმენი, რომლისგან ერთი სიტყვაც არ გაუგია არავის ან რუსეთის ოკუპანტობაზე, ან რუსეთის აგრესიაზე უკრაინაში და ბედავენ და ვინმესკენ ხელს იშვერენ?!“- წერს ნიკოლეიშვილი Facebook-ზე.
| სარეკლამო ადგილი - 11 650 x 60 |
