„ტრამპისა და რესპუბლიკელების მოღალატე, მტირალა (Fox News-ის მუდმივი შეფასება) ექს-კონგრესმენი ადამ კინზინგერი საქართველოზე წერს: საინტერესოა, ბოლოს როდის დაიბარეს რუსეთის ელჩი, ან თუნდაც დაგმეს რუსეთი? ასე ეხმაურება მემარცხენე CNN-ის ანალიტიკოსი კინზინგერი უკრაინის დროებითი რწმუნებულის ანდრეი კასიანოვის საქართველოს საგარეო საქმეთა სამინისტროში დაბარების ფაქტს.

როგორც ჩანს, საკუთარ ყოფილ საარჩევნო ოლქში და ოჯახის მიერ შერისხული ადამი ვერც საერთაშორისო პოლიტიკაში ავლენს კომპეტენციას. კინზინგერმა არ იცის, რომ რუსეთს საქართველოში 15 წელია ელჩი არ ჰყავს, ვინაიდან დიპლომატიური ურთიერთობა გაწყვეტილია.

არა და ამერიკა-საქართველოს მეგობრობის ჯგუფის ხელმძღვანელი იყო კონგრესში. თუმცა, „ნაცების" ლობისტობა არ ითვალისწინებს საკითხების სიღრმისეულ ცოდნას. მთავარია შეკვეთილი გზავნილის ტირაჟირება“, - წერს აბაშიძე.