„ხალხის ძალის“ ლიდერი, სოზარ სუბარი, გიული ალასანიას მიერ მიხეილ სააკაშვილზე გაკეთებულ განცხადებას Facebook-ის ოფიციალურ გვერდზე ეხმაურება.

„ვინც მე საქართველოში დამაბრუნა, უკრაინაში ჩანერგილი რუსეთის აგენტები იყვნენო. ბანდეროლი იყო ეს დალოცვილი? თვითონ არაფერს წყვეტდა?“, - წერს სოზარ სუბარი.

გიული ალასანიამ ჟურნალისტებთან განაცხადა: „სადაც ნახავდნენ [მიხეილ სააკაშვილს], აეროპორტი იქნებოდა, კაფე თუ ქუჩა, მიდიოდნენ და არწმუნებდნენ, რომ მისი ჩამოსვლა საქართველოში სასწრაფოდაა აუცილებელი“.

საქართველოს ყოფილმა პრეზიდენტმა მიხეილ სააკაშვილმა გერმანულ გამოცემა Spiegel-თან ინტერვიუში განაცხადა, რომ გამორიცხული არ არის, რომ ხალხი, რომელმაც 2021 წლის ოქტომბერში, საქართველოში მისი დაბრუნება დაგეგმა, რუსეთის ჩანერგილი აგენტები იყვნენ.