არც ისე დიდი ხნის წინ, 2016 წელს თავად არასამთავრობო ორგანიზაციები, ევროკავშირის დაფინანსებული კვლევის საფუძველზე ითხოვდნენ იმავეს, რასაც კანონი ითხოვს, - ამის შესახებ ექსპერტი ზაალ ანჯაფარიძე სოციალურ ქსელში წერს, რითაც იგი დღეს პარლამენტში განვითარებულ მოვლენებს ეხმიანება.

„ვნებათაღელვების ფონზე დოკუმენტებით საუბარი და წარსულის გახსენება მოდაში აღარ არის, მაგრამ დოკუმენტები არ იწვიან და არც მათი ავტორები არ გამქრალან არსად. არც ისე დიდი ხნის წინ, 2016 წელს თავად არასამთავრობო ორგანიზაციები, ევროკავშირის დაფინანსებული კვლევის საფუძველზე ითხოვდნენ იმავეს, რასაც კანონი ითხოვს. ამაზე ახლახან გაცხადდა კომიტეტის სხდომაზე. საინტერესოა, რა შეიცვალა მას შემდეგ?“, - წერს ანჯაფარიძე.