425
11 მარტი 2023, 11:25
„ალბათ შეიძლება ჩვენს შუალედურ დასკვნებს განვლილ მოვლენებზე კიდევ სამიოდე შტრიხი მივამატოთ:
თბილისში „მაიდანიზაციის“ პროცესების განვითარებას კრემლი აღიქვამდა „მეორე ფრონტის გახსნის“ წინაპირობად, რაც გაახმოვანეს კიდეც აფხაზეთის დე-ფაქტო საგარეო მინისტრისა და რუსეთის პროპაგანდის „რუხი კარდინალის“, მარგარიტა სიმონიანის პირით. ამ უკანასკნელის რეაგირება იყო ცალსახა: „დაგბომბავთ“
თბილისში „მაიდანიზაციის“ პროცესების უკან ტექნიკურ ორგანიზატორად იდგა „ორიტრუპი“ მერაბიშვილი და ფინანსური „დირექტორი“ კეზერაშვილი, რაც დასტურდება „ორიტრუპის“ განცხადებებით, მიცემული უკრაინელი პროპაგანდისტებისთვის
ამ პროცესების კატალიზატორად ცალსახად გამოვიდნენ ის საერთაშორისო აქტორები, რომლებმაც შექმნეს და პროტესტის სლოგანად დაამტკიცეს აბსოლუტური ფეიკი და ცილისწამება - „რუსული კანონის“ სახით. ამ აქტორებს ჰქონდათ არაერთი შესაძლებლობა უბრალოდ ეთქვათ უპირობო სიმართლე - რომ „ხალხის ძალამ“ მათთვის მართალია მიუღებელი, მაგრამ ამერიკული (!) კანონი გამოიყენა. მაგრამ „მაიდანიზაციის“ მუხტს ეს აღიარება ჩაახშობდა, ამიტომ ვერშემდგარი რევოლუციის თანაავტორებს, თუ არა ორგანიზატორებს - ეს ძალები ყოველგვარი ეჭვის გარეშე წარმოადგენენ
„ხალხის ძალამ“ და ხელისუფლებამ - ვაშინგტონისა და ბრიუსელის, ასევე მოსკოვის განზრახვების ხორცშესხმას საშუალება არ მისცეს. შეიძლება ამ ორ პოლარულ მხარეს (დასავლეთსა და რუსეთს) განსხვავებული მიზნები ამოძრავებდათ, მაგრამ ორივე შემთხვევაში ეს იყო დამოკიდებული მეორე ფრონტის გახსნის თემასთან, სახელმწიფო გადატრიალებასთან, პატიმარ სააკაშვილის გათავისუფლებასთან.
ეს რეალური და არა „ფეიკ“ მულტიიმპერიალისტური გეგმები „ხალხის ძალამ“ და ხელისუფლებამ ამ ეტაპზე (!) წარმატებულად ჩაშალა და ამაში ნამდვილად ვხედავ პატარა „დავითის“ ტაქტიკურ გამარჯვებას სამთავა „გოლიათზე“. ევროპას მოუწევს თავაწეულ და ღირსეულ საქართველოსთან ურთიერთობების დალაგება. თუ მანამდე ის განთავისუფლდება ვაშინგტონის მანკიერი წნეხიდან - მით უკეთესი ევროპისთვის.
ჩვენს საზოგადოებას კი მოუწევს ამ არშემდგარი კატასტროფის გაანალიზება, თუ რომელ მხარეს ეკუთვნის კრემლის, ვაშინგტონისა და ბრიუსელის სასარგებლო იდიოტების საპატიო წოდება. ჩვენი ბრძოლა კი საქართველოს დე-ფაქტო დამოუკიდებლობისთვის გრძელდება - ის სამთავა „გოლიათი“ ჯერ კიდევ დასამარცხებელია“, - წერს დავით დავით ქართველიშვილი Facebook-ზე.
| სარეკლამო ადგილი - 11 650 x 60 |
