ვლადიმერ ბოჟაძე კობა ნაყოფიას განცხადებაზე: ყველამ კარგად უნდა გაიგოს, რომ საქართველოს მოსახლეობა არავითარ შემთხვევაში არ დაუშვებს ,,ნაციონალური მოძრაობის" ხელისუფლებაში დაბრუნებას
სარეკლამო ადგილი - 10
650 x 60
325 27 აპრილი 2023, 13:41
ომის და ღალატის პარტია, რადიკალური ოპოზიცია, მათი მართვადი მედიის და სამოქალაქო სექტორის ნაწილი ყოველდღიურ რეჟიმში ებრძვის ქვეყნის ევროატლანტიკურ კურს, ევროკავშირში და ნატოში გაწევრიანების პროცესს, რატომ? იმიტომ, რომ საქართველოს წარმატება, ხელისუფლების წარმატებაც იქნება, რაც მათთვის სრულიად მიუღებელია,  -  ამის შესახებ თბილისის საკრებულოს უმრავლესობის დეპუტატი, ვლადიმერ ბოჟაძე სოციალურ ქსელში წერს. 

ბოჟაძის თქმით, კობა ნაყოფიამ მისი განცხადებით, რომ კანდიდატის სტატუსზე უარის თქმის შემთხვევაში, საქართველოში რიგგარეშე არჩევნები ჩატარდება, რისთვისაც ოპოზიცია მზად უნდა იყოს, დაადასტურა ხელისუფლების ძალადობრივი გზით შეცვლის და მეორე ფრონტის არსებობსი სცენარი. ვლადიმერ ბოჟაძის განცხადებით, ოპოზიცია ისევე აქტიურად ცდილობს, ქვეყანამ კანდიდატის სტატუსი არ მიიღოს, როგორც  თავის დროზე ასოცირების ხელშეკრულების გაფორმების, უვიზო მიმოსვლის და თავისუფალალ ვაჭრობის შეთანხმებისთვის ცდილობდა ხელის შეშლას.

„კობა ნაყოფიას საქართველოს კონსტიტუცია რომ არ წაუკითხავს გასაკვირი არ არის, არც რიგგარეშე არჩევნების საფუძვლებში და  საარჩევნო კანონმდებლობაში რომ ვერ ერკვევა, მაგრამ გასაკვირია ასეთი გულწრფელი განცხადება და აღიარება. ომის და ღალატის პარტია, რადიკალური ოპოზიცია, მათი მართვადი მედიის და სამოქალაქო სექტორის ნაწილი ყოველდღიურ რეჟიმში ებრძვის ქვეყნის ევროატლანტიკურ კურს, ევროკავშირში და ნატოში გაწევრიანების პროცესს, რატომ? იმიტომ რომ საქართველოს წარმატება ხელისუფლების წარმატებაც იქნება, რაც მათთვის სრულიად მიუღებელია, ისევე როგორც თავის დროზე ეწინააღმდეგებოდნენ ასოცირების ხელშეკრულების გაფორმებას, უვიზო რეჟიმს და  თავისუფალალ ვაჭრობას, ისევე აქტიურად ცდილობენ არ მივიღოთ კანდიდატის სტატუსი. საქართველოს გარე და შიგა მტრების მიზანია კანდიდატის სტატუსის ვერ მიღების საბაბით  ქვეყანაში დაიწყოს ქაოსი, არეულობა, დესტაბილიზაცია, რასაც მოყვება სისხლიანი რევოლუცია, ,,ნაციონალური მოძრაობის" ხელისუფლებაში დაბრუნება, მეორე ფრონტის გახსნა და ჩვენი სამშობლოს ხელახალი ოკუპაცია, სწორედ ამ სცენარის არსებობა დაადასტურა კობა ნაყოფიამ. მერაბიშვილის და კეზერაშვილის კონტროლირებად ოპოზიციას ახლა მხოლოდ ერთი მიზანი აქვს - კანდიდატის სტატუსის არ მიღება! სამწუხაროდ ამ პროცესში მათ ეხმარება ენჯეოების და მედიის ნაწილი, ზოგიერთი ევროპარლამენტარი, სხვადასხვა ქვეყნის ყოფილი თანამდებობის პირი და აქტორები.
 ყველამ კარგად უნდა გაიგოს, რომ საქართველოს მოსახლეობა არავითარ შემთხვევაში არ დაუშვებს ,,ნაციონალური მოძრაობის" ხელისუფლებაში დაბრუნებას და ,,ქართულ ოცნებასთან" ერთად გააგრძელებს მყარი ნაბიჯებით ევროატლანტიკური სტრუქტურებისკენ სვლას, ასევე მშვიდობის, სტაბილურობის და განვითარების  შენარჩუნებას, სწორედ ეს არის ახლა უმთავრესი მიზანი და მის შესრულებას  წინ ვერავინ და ვერაფერი დაუდგება!“ - წერს ვლადიმერ ბოჟაძე Facebook-ზე.
სარეკლამო ადგილი - 11
650 x 60
შალვა პაპუაშვილი: საგანგაშოა, რომ ევროკავშირის საელჩოს დღემდე არც ერთხელ არ დაუგმია მისი დაფინანსებული პირებისგან მომდინარე ძალადობა, სიძულვილი და დეზინფორმაცია
დავით ქართველიშვილი რადიკალებზე: წლების განმავლობაში მათ პოლიტიკურ აქტივობას ასაზრდოებდა ამა თუ იმ ფონდებიდან, საერთაშორისო ორგანიზაციებიდან შემოსული ფულის ნაკადი
ზონდერებსა და ბიზნეს - რეკეტიორ პერსონებზე არანაკლებ დამნაშავეები, ის ე.წ. ჟურნალისტები არიან, ვინც სააკაშვილის სისტემას ასულდგმულებდნენ და ახლა, თავისუფალი სიტყვისა და დემოკრატიის სახელით, სახელმწიფოს წინააღმდეგ მუშაობენ
უკრაინელი ლტოლვილებისთვის საქართველოს ხელისუფლების მიერ გაწეული 10 მილიონი დოლარის დახმარების ფონზე, რის სანაცვლოდ „მადლიერების" ნიშნად ამაგრებდნენ ანტისახელისუფლებო აქციებს
ნონა გაფრინდაშვილმა გაგვახსენა საშინელი სიმართლე 2003-2012წლების ნაცისტურ რეჟიმზე, მასობრივ წამებაზე, მკვლელობებზე, ქართულ ჰოლოკოსტზე
არქივი