მე და ხაბეიშვილი სკოლაში ვიყავით, ის ცხრა წელი თქვენ რომ ხელისუფლებაში იყავით ელჩებად, მინისტრებად და მაინც ჩემი რანაირად ეშინიათ, – ამის შესახებ „ნაციონალური მოძრაობის“ წევრი ანა წითლიძე სოციალურ ქსელში წერს.

წითლიძის თქმით, ადამიანებს, რომლებიც „ნაციონალური მოძრაობის“ დროს ხელისუფლებაში იყვნენ, არასოდეს არაფერზე პრეტენზია არ გამოუთქვამთ 9 წლის განმავლობაში და ახლა ამბობენ, რომ „ნაციონალურ მოძრაობას“ მართვის ცუდი გამოცდილება აქვს და ხალხს ეშინია.

„ჩემი სახე: როდესაც „ნაციონალური მოძრაობის“ ყოფილი მინისტრები, ელჩები, ანუ ადამიანები რომლებიც „ნაციონალური მოძრაობის“ დროს ხელისუფლებაში იყვნენ, სახეები და კონკრეტული გადაწყვეტილებების მიმღებები 9 წელი, არასოდეს არაფერზე პრეტენზია არ გამოუთქვამთ იმ 9 წლის განმავლობაში, მშვენივრად გრძნობდნენ თავს – იძახიან, რომ ენმ-ს თურმე მართვის ცუდი გამოცდილება აქვს და ხალხს ეშინია. რა ვიცი, ჩემო დებო და ძმებო, მაგ დროს მე და ხაბეიშვილი სკოლაში ვიყავით, ის ცხრა წელი თქვენ რომ ხელისუფლებაში იყავით ელჩებად, მინისტრებად და მაინც ჩემი რანაირად ეშინიათ. ანუ ის 9 წელი „შეცდომები და შიში“ თქვენ რომ მონაწილეობდით და მე სკოლაში და უნივერსიტეტში ვიყავი – მაინც ჩემი ბრალია? ან რა გგონიათ, ახლა „ლელოს“ დაირქმევთ, შმელოს თუ ნებისმიერ სხვას ხალხს, ეგ არ ახსოვს? რა ახალი სტილია შემოსული ენმ-ის ყოფილი მაღალჩინოსნების მხრიდან ენმ-ის წარსულის ლანძღვის, გამარკვიეთ. თქვენ მართლა ხალხი სულელი ხომ არ გგონიათ?“, – წერს ანა წითლიძე.