იყო ქართველი და არ უჭერდე ამ არჩევნებში ერდოღანს მხარს, საქართველოს მტრობას ნიშნავს, არ აქვს მნიშვნელობა ეს იდიოტობით მოგდის თუ სპეციალურად აკეთებ ამას - წერს სოციალურ ქსელში „ხალხის ძალის“ წევრი ნუკრი შოშიაშვილი.
როგორც შოშიაშვილი აღნიშნავს, გარდა იმისა, რომ სუვერენულობის იდეა მნიშვნელოვანია, ქილიჩდაროღლუ მისთვის სრულიად მიუღებელია, მისი მოადგილე ოზქოჩი არის აფხაზეთის დამოუკიდებლობის აღიარების მთავარი ლობისტი თურქეთში, რომელმაც თურქეთის პარლამენტში საგარეო მინისტრს დაუსვა კითხვა, თუ როდის აპირებს თურქეთი აფხაზეთის აღიარებას.
„თურქეთის არჩევნებში მე მხარს ვუჭერ ერდოღანს. გარდა იმისა, რომ სუვერენულობის იდეა მნიშვნელოვანია, ქილიჩდაროღლუ ჩემთვის არის სრულიად მიუღებელი. მისი მოადგილე ოზქოჩი არის აფხაზეთის დამოუკიდებლობის აღიარების მთავარი ლობისტი თურქეთში. მან თურქეთის პარლამენტში საგარეო მინისტრს დაუსვა კითხვა, თუ როდის აპირებს თურქეთი აფხაზეთის აღიარებას, ასეთი რამე არ ახსოვს თურქეთის მეჯლისს. ამის გარდა, მეორე ოპოზიციური პარტიის მაღალჩინოსანმა განაცხადა, რომ ქვეყნის სათავეში მოსვლის შემთხვევაში აუცილებლად აღიარებს აფხაზეთს. იყო ქართველი და არ უჭერდე ამ არჩევნებში ერდოღანს მხარს, საქართველოს მტრობას ნიშნავს (არ აქვს მნიშვნელობა ეს იდიოტობით მოგდის თუ სპეციალურად აკეთებ ამას)" - წერს ნუკრი შოშიაშვილი Facebook-ზე.
| სარეკლამო ადგილი - 11 650 x 60 |
