522
12 ივლისი 2023, 14:57
როგორც ქართველიშვილი აღნიშნავს, ამერიკული ოლიგარქატის ხელშია დღეს როგორც საკუთარი უმსხვილესი მედიაიმპერიები, ასევე აგენტოკრატიული გავლენების ზონაში მოქმედი მედიასაშუალებები, საიდანაც უხერხულ კონკურენტებს უსირცხვილოდ აქრობენ ისე, როგორც ეს აგენტოკრატიულ უკრაინაში გააკეთეს.
„აშშ-ს დღეს ოლიგარქატი რომ მართავს, "ორმაგი ფსკერის" მქონე ფარული მმართველობა, რომელსაც ამერიკულ პოლიტოლოგიაში Deep Stat-ის სახელით მოიხსენიებენ - ჩვენი საქმე იმ დონემდე არაა, სანამ ეს დონე ჩვენ არ გვეხება უხეშად და უშუალოდ.
როდესაც სისხლიანი რეჟიმის არქიტექტორ სააკაშვილს ნორვეგიაში აჯილდოვებენ, როგორც სანიმუშო "ჰუმანისტსა" და "დემოკრატს" - ეს უკვე ჩვენც გვეხება. ეს გვეხება იმ შემთხვევაშიც, როდესაც ამ რეჟიმის მედია "ჰებელსს" და ბიუჯეტის ქურდ გვარამიას, ციხიდან სამარცხვინო დახსნისთანავე საერთაშორისო ჟურნალისტური ჯილდოთი ასაჩუქრებენ, როგორც "მედიაშემზღუდველი რეჟიმის მხრიდან ზეწოლის მსხვერპლს".
ამერიკული ოლიგარქატის ხელშია დღეს როგორც საკუთარი უმსხვილესი მედიაიმპერიები, ასევე აგენტოკრატიული გავლენების ზონაში მოქმედი მედიასაშუალებები, საიდანაც უხერხულ კონკურენტებს უსირცხვილოდ აქრობენ ისე, როგორც ეს აგენტოკრატიულ უკრაინაში გააკეთეს. აგენტოკრატიული გავლენის ზონიდან გამოსულ საქართველოს კი, მაქსიმუმ, რასაც უბედავენ - ფეისბუქზე "იმედის" გვერდს დროებითი შეზღუდვები შეუქმნან.
დღეს საქართველო ამერიკული ოლიგარქატის კოლონიას რომ წარმოადგენდეს, ყველა უხერხული მედია, თუ პარტია - დიდი ხანია აკრძალული იქნებოდა. კვლავ ოსვენციმად გადაქცეული ჩვენი ციხეები, ნულოვანი ტოლერანტობის საფუძველზე - ჩვენით გადაივსებოდა. თუ ამის განუხორციელებლობაზე გაშმაგებული და უკბილო შურისძიების ფორმას - სააკაშვილის და გვარამიას დაჯილდოვება წარმოადგენს, ჯანდაბას, გადავიტანთ“ - წერს დავით ქართველიშვილი Facebook-ზე.
| სარეკლამო ადგილი - 11 650 x 60 |
