446
18 ივლისი 2023, 15:49
მისი თქმით, გლობალური პოლიტ-კონიუნქტურის შემქმნელების მხრიდან მცდელობა, საქართველო გამოყენებულ იქნას გეოპოლიტიკური მიზნებისათვის, არ წყდება.
„დღეს ბიძინა ივანიშვილის უფლებადამცველმა წერილი გამოაქვეყნა, სადაც დეტალურადაა აღწერილი, თუ რატომ არ სრულდება სასამართლო გადაწყვეტილება და ეზღუდება საკუთარ კაპიტალთან წვდომა ბიძინა ივანიშვილს. “კრედიტ-სუისთან” დასრულებული სასამართლოთი და აბსოლუტურად გამართლებული ბიძინა ივანიშვილის საქმიდან გამომდინარე, უკვე ეჭვის ნატამალიც აღარ რჩება, რომ საქმე მთლიანად ინსინუაციური იყო და გარე ძალების ჩართულობით, მცდელობას ჰქონდა ადგილი, ფინანსური ბერკეტით მომხდარიყო ბიძინა ივანიშვილზე გავლენის მოპოვება.
დღეის მონაცემებით, სასამართლოთი დაბრუნებული კაპიტალის 95%-ს აკონტროლებს ე.წ ამერიკული და ევროპული ჰეჯფონდები, რომელთა ვალდებულებაცაა კანონიერი მფლობელის კაპიტალით უზრუნველყოფა, თუმცა რაოდენ პარადოქსულიც არ უნდა იყოს, ეს ფონდები ზღუდავენ ფინანსებთან წვდომასა და სასამართლოს აღსრულებას. აქედან გამომდინარე, უკვე იოტისოდენა ეჭვიც აღარ ჩნდება, თუ რა მექანიზმებით ცდილობენ ამერიკული და ევროპული სპეც-სამსახურები ივანიშვილზე გავლენის მოპოვებას. მას შემდეგ, რაც შვეიცარიული ბანკი შეეწირა ამ გლობალური მაქინაციების სქემას, ახლა ჯერი ფონდებზეა, რომ ამ ფინანსური უზრუნველყოფის შეზღუდვით სცადონ სასურველი შედეგის მიღება. ბიძინა ივანიშვილმა ერთი წლის წინ გააკეთა მკაფიო განცხადება, რომ არ აპირებს პოლიტიკაში დაბრუნებას და საქართველოს გლობალური პოლიტ-კონიუქტურის ჩარჩოებში მოქცევას და რომ არანაირი ფინანსური უზრუნველყოფის სანაცვლოდ არ იმოქმედებს ქვეყნისთვის საზიანოდ. მოკლედ, ეს კარგად იციან იმ აქტორებმა, ვინც ეს მსოფლიო მასშტაბის აფიორა დაგეგმა და კვლავ არ აკლებენ მცდელობას. გამოიყენებენ ზემოხსენებულ ფონდებს მაქსიმალურად და ისევე გაუნადგურებენ რეპუტაციას, როგორც შვეიცარიულ ბანკს. ასე რომ, გლობალური პოლიტ-კონიუბქტურის შემქმნელების მხრიდან მცდელობა, საქართველო გამოყენებულ იქნას გეოპოლიტიკური მიზნებისათვის არ წყდება.“ - წერს ზურაბ ქადაგიძე.
| სარეკლამო ადგილი - 11 650 x 60 |
