„მხარეებმა გაუზიარეს ერთმანეთს ვალდებულება, გააფართოონ თანამშრომლობა პოლიტიკურ, ეკონომიკურ და კულტურულ სფეროებში და ერთობლივად უზრუნველყონ რეგიონული და გლობალური მშვიდობა და „გლობალური ომის პარტიისა“ და მათი ადგილობრივი მარიონეტების მხრიდან ეს რა გაშმაგებულ წინააღმდეგობას გამოიწვევს, უკვე დღეს ვხედავთ ცალსახად“, - ამის შესახებ „ხალხის ძალის“ წევრმა, დავით ქართველიშვილმა, სოციალურ ქსელში დაწერა.

მისი თქმით, ჩინეთ-საქართველოს პარტნიორობა საქართველოსთვის მხოლოდ და მხოლოდ სიკეთის მომტანია და ამ ისტორიულ მოვლენაზე უარყოფითი შეფასების ქონა მხოლოდ ქვეყნის მტრებს შეუძლიათ.

„რა შეიძლება ითქვას ჩინეთში საქართველოს პრემიერ-მინისტრის ვიზიტის შესახებ, მის შეხვედრებზე პრეზიდენტ სი ძინპინთან და თავის კოლეგა ლი ციანთან - ეს იყო ისტორიული მოვლენა ქვეყნის უახლოეს ისტორიაში, ეს იყო გარღვევა იმ ხელოვნურად შექმნილი კოლონიალური ჩიხიდან, რომელშიც საქართველო ჯერ რუსეთმა, ხოლო შემდგომ „გლობალური ომის პარტიამ“ შეიყვანა.

მხარეებმა მიიღეს გადაწყვეტილება, რომ სტრატეგიული პარტნიორობის ხარისხში აიყვანონ ორმხრივი ურთიერთობები და ჩავთვალოთ, რომ დღეიდან აგენტოკრატიის შემოტევა ჩვენს ქვეყანაზე  უფრო აგრესიულ ხასიათს მიიღებს. თუმცა ამის შესახებ ირაკლი ღარიბაშვილს სი ძინპინმა წინასწარვე გააფრთხილა (პერიფრაზირებით): სანამ ჩვენ ერთად ვიქნებით, ამას დიდი ყურადღება არ მიაქციოთ.

მხარეებმა გაუზიარეს ერთმანეთს ვალდებულება, გააფართოონ თანამშრომლობა პოლიტიკურ, ეკონომიკურ და კულტურულ სფეროებში, გააძლიერონ თანამშრომლობა საერთაშორისო საკითხებში, გააღრმაონ ორმხრივი ურთიერთობები და ერთობლივად უზრუნველყონ რეგიონული და გლობალური მშვიდობა, სტაბილურობა და განვითარება და „გლობალური ომის პარტიისა“ და მათი ადგილობრივი მარიონეტების მხრიდან ეს რა გაშმაგებულ წინააღმდეგობას გამოიწვევს, ამის ნიშნებს უკვე დღეს ვხედავთ ცალსახად.

არადა ორივე მხარემ მიაღწია იმას, რისკენაც მიისწრაფოდა: „გლობალური ომის პარტიამ“ მართალია, საქართველოს დაკარგვის ხარჯზე, მაგრამ საკუთარი საყვარელი პირმშო შეინარჩუნა თავისი ლაქიების სახით. საქართველომ კი მართალია, თავი აარიდა რუსეთთან ომის „საპატიო“ მისიას, მაგრამ მშვიდობის, სტაბილურობისა და ეკონომიკური აღმავლობის მისაღწევად მძლავრი მეგობარი და სტრატეგიული პარტნიორი შეიძინა.

ამ ორივე ვარიანტში მოსალოცად საქართველოს აქვს საქმე, ხოლო „გლობალური ომის პარტიამ“ თავის მარიონეტებთან ერთად ერთმანეთს მიულოცონ შეხმატკბილებული თანაარსებობა და ღმერთმა დაგვიფაროს, მათ იდილიას ხელი შევუშალოთ“ - წერს დავით ქართველიშვილი.