უნგრეთის საგარეო საქმეთა მინისტრმა, პიტერ სიიარტომ ქართველ კოლეგას ილია დარჩიაშვილს სტიქიის ლიკვიდაციის პროცესში დახმარება შესთავაზა.

„საქართველოში უპრეცედენტო რაოდენობის ნალექმა გამოიწვია მეწყერი, აქამდე არნახული მასშტაბის კატასტროფა. არაერთი ადამიანი დაიღუპა და გაუჩინარდა, სტიქიის შედეგად მიყენებულია უზარმაზარი ზიანი. სატელეფონო საუბრის დროს მხარდაჭერა გამოვუცხადე ჩემს ქართველ კოლეგას და შევთავაზე დახმარება უნგერთის მხრიდან, თუ ასეთი საჭიროება დადგება. ილია დარჩიაშვილმა მადლობა გადამიხადა და შეაფასა ეს ნაბიჯი, როგორც ნამდვილი მეგობრობის გამოვლინება. მისი განცხადებით, საჭიროების შემთხვევაში ისინი დახმარებისთვის მოგვმართავენ“, - წერს პიტერ სიიარტო.