საქართველოს პრეზიდენტი სალომე ზურაბიშვილი სომხური სამოციქულო ეკლესიის მრევლს შობას და ნათლისღების დღესასწაულს ულოცავს.

„გულითადად ვულოცავ შობისა და ნათლისღების დღესასწაულს სომეხთა სამოციქულო ეკლესიას და მის მრევლს მსოფლიოს ყველა კუთხეში, განსაკუთრებით კი - საქართველოში მცხოვრებ სომხური წარმოშობის ჩვენს თანამოქალაქეებს.

მათთან ერთად ვულოცავ იმ კონფესიების წარმომადგენლებს, რომლებიც დღეს უფლის გამოცხადების დღესასწაულს ზეიმობენ. ვუერთდები თქვენს სიხარულს და გისურვებთ მშვიდობას, ჯანმრთელობასა და კეთილდღეობას“, - წერს სალომე ზურაბიშვილი Facebook-ზე.