ანალიტიკოსი გია აბაშიძე სოციალურ ქსელ X-ზე, ორგანიზაცია Numbeo.com-ის მონაცემებზე დაყრდნობით გამოქვეყნებულ სტატისტიკას ეხმიანება, რომლის მიხედვით, საქართველო ერთ-ერთი ყველაზე უსაფრთხო ქვეყანაა ტურისტებისთვის ღამის საათებში გადასაადგილებლად.

როგორც აბაშიძე წერს, საკუთარი უბადრუკობიდან გამომდინარე, საქართველოზე გაბოროტებული „ნაცსექტის“ ერთ-ერთი მავნებლური გზავნილი, რომ ღამით ქუჩაში გასვლა „საშიშია“ და პოლიცია „არ მუშაობს“, საერთაშორისო ანგარიშმა კვლავ გააცამტვერა.

„საკუთარი უბადრუკობიდან გამომდინარე, საქართველოზე გაბოროტებული „ნაცსექტის“ ერთ-ერთი მავნებლური გზავნილი, რომ ღამით ქუჩაში გასვლა „საშიშია“ და პოლიცია „არ მუშაობს“, საერთაშორისო ანგარიშმა კვლავ გააცამტვერა. სოციალურ ქსელ X-ზე, ორგანიზაცია Numbeo.com-ის მონაცემებზე დაყრდნობით გამოქვეყნდა სტატისტიკა, რომლის თანახმად, ევროპის ქვეყნებს შორის, საქართველო ერთ-ერთი ყველაზე უსაფრთხო ქვეყანაა ტურისტებისთვის ღამის საათებში გადასაადგილებლად.

საქართველო მე-4 ადგილზეა და ჩამორჩება მხოლოდ ხორვატიას, სლოვენიას და ისლანდიას. ასევე ჩანს, რომ საქართველო ტურისტების ღამით უსაფრთხოდ გადაადგილების მაჩვენებლით უსწრებს ევროკავშირის 25 წევრ და ყველა კანდიდატ სახელმწიფოს“, - წერს გია აბაშიძე Facebook-ზე.