გვიახლოვდება საკრალური 9 აპრილის 35 წლისთავი. ამჟამად ევროსაბჭოთა კავშირი გვაქვს დასამარცხებელი. საკრალურ 40-წლისთავთან დარჩენილ 5 წელიწადში უნდა შევძლოთ და მოვასწროთ ჩვენი „იორდანეს" (ენგურის) გადალახვის მოახლოება. ამას კოლონია ვერ შეძლებს. ამას შეძლებს ღირსეული და თავისუფალი ერი. ჩვენ არაერთ კოლონიზატორს გამოვექეცით - ამასაც დავამარცხებთ, - წერს სოციალურ ქსელში „ხალხის ძალის“ წევრი დავით ქართველიშვილი. პოსტში ქართველიშვილი აღნიშნავს, რომ მისთვის მიუღებელია საქართველოს გვერდში დგომის სანაცვლოდ უცხოელმა პარტნიორებმა ქვეყნისგან მოითხოვონ კოლონიალური, ვასალური, მონური მორჩილება.

„ვისაც ეჭვი გეპარებოდათ ირაკლი კობახიძეში, ირაკლი ღარიბაშვილში, შალვა პაპუაშვილში, მამუკა მდინარაძეში, დასქრინეთ, დააარქივეთ მათი თითოეული გამონათქვამი. ამ ადამიანებმა არა მხოლოდ სახელმწიფოებრივი, არამედ პირადი ღირსება და რეპუტაცია დაუპირისპირეს დამოუკიდებელი საქართველოს „დაუძინებელ მეგობრებს". დიახ, ეს ის „მეგობრები" არიან, ვინც გუშინ, დღეს და ხვალაც ჩვენი ქვეყნის გვერდში დგომას გვპირდებიან - ოღონდ ჩვენი კოლონიალური, ვასალური, მონური მდგომარეობის შემთხვევაში. ზოგიერთ ამ „მეგობარს" საკუთარ სახლში თავზე ემხობა საარჩევნო წელიწადი, მაგრამ ურჩი, დამოუკიდებელი საქართველოსთვის წელსაც მაინც იცლიან.

გვიახლოვდება საკრალური 9 აპრილის 35 წლისთავი. ამჟამად ევროსაბჭოთა კავშირი გვაქვს დასამარცხებელი. საკრალურ 40-წლისთავთან დარჩენილ 5 წელიწადში უნდა შევძლოთ და მოვასწროთ ჩვენი „იორდანეს" (ენგურის) გადალახვის მოახლოება. ამას კოლონია ვერ შეძლებს. ამას შეძლებს ღირსეული და თავისუფალი ერი. ჩვენ არაერთ კოლონიზატორს გამოვექეცით - ამასაც დავამარცხებთ“, - წერს დავით ქართველიშვილი.