354
16 აპრილი 2024, 22:52
დავით ქართველიშვილი ეხმიანება პარლამენტთან მიმდინარე აქციაზე ტელეკომპანია „იმედის“ ჟურნალისტზე თავდასხმას აქციის მონაწილეების მხრიდან.
"ევროპის" სახელით ზომბირებული ბრბო დღეს როგორ ესხმოდა თავს "იმედის" გადამღებ ჯგუფს, ეს იყო ზუსტად რეპრესიული "ევროსაბჭოთა კავშირის" ცოცხალი მაგალითი. გაშმაგებული მონები შურს იძიებდნენ ამ ქვეყნის მოსახლეობაზე და ჟურნალისტებზე, რომლებიც საქართველოს თავისუფლებას და სუვერენიტეტს იცავდნენ. ამერიკელი კლერკი მილერი, რომელიც დღეს იმას კი არ გმობდა და მოგვიწოდებდა - "კონგრესმენი" ელისაშვილი დასჯილიყო, არამედ ბრალისა და მტკიცებულებების გარეშე, ქართველი მოსამართლეები დაგვეპატიმრებინა. და ის იყო ამ შემთხვევაში "ეჟოვისა" და "ვიშინსკის" რეინკარნაცია.
საზოგადოება ჯერჯერობით ენდობა ხელისუფლებას და მართლმსაჯულებას და არ სურს ქვეყნის თავისუფლება, ღმერთი და სამშობლო ღია სამოქალაქო დაპირისპირების გზით დაიცვას, თორემ არანაირი პრობლემა არაა თავისუფალი მოქალაქეების კონტრაქციით ამ მონებთან დაპირისპირებისა. ურყევი რწმენა მაქვს, რომ აზროვნების თუ არა, რაღაც ჩემთვის გაუგებარი ინსტინქტების დონეზე, მოსახლეობის ეს ულტრააგრესიული და დაჰიპნოზებული ნაწილი გონს მოეგება. თუ თავისი ძალებით ვერ შეძლებენ - ჩვენი საამაყო პოლიცია მათ ამაში დაეხმარება. ჩვენ კი ჩვენი ძალები და აქციები შემოვინახოთ გადამწყვეტი ბრძოლისთვის თავისუფლებისათვის. ნეო-საბჭოთა თუ ევრო-საბჭოთა კავშირი ჩვენ ვეღარ მოგვერევა და თუ საჭირო გახდა, ამას ყველა კოლონიზატორს და მათ ლაქიებს დავანახებთ.“ - წერს ქართველიშვილი.
| სარეკლამო ადგილი - 11 650 x 60 |
