366
29 აპრილი 2024, 16:07
„სანამ ზურაბიშვილი უკრაინას ეწვევა, კიევის მერმა, ვიტალი კლიჩკომ გერმანულ გამოცემას საინტერესო ინტერვიუ მისცა - ვიგებთ, რომ უკრაინაში მიმდინარე ომის დროს, კლიჩკომ ვერ მოახერხა პრეზიდენტ ზელენსკისთან შეხვედრა. მისი აზრით, ეს ცოტა არ იყოს უცნაურია - ომში გახვეული ქვეყნის დედაქალაქის მერისა და პრეზიდენტის ურთიერთობა“, - ამის შესახებ პარტია „ხალხის ძალის“ წევრი, დავით ქართველიშვილი სოციალურ ქსელში წერს.
ქართველიშვილის განცხადებით, კიევის მერს სჯერა, რომ იმ შემთხვევაში თუკი, უკრაინელ მოქალაქეებს ვინმე ქვეყნის სამთავრობო ანტიკორუფციული პოლიტიკის შესახებ კითხვის დაუსვამს, ყველა უპასუხებს, რომ ისინი ამით უკმაყოფილოები არიან.
„სერიიდან: სანამ ზურაბიშვილი უკრაინას ეწევა, კიევის მერმა ვიტალი კლიჩკომ პოპულარულ გერმანულ გამოცემას საინტერესო ინტერვიუ მისცა. აქედან ვიგებთ, რომ უკრაინაში მიმდინარე ომის დროს, მიუხედავად ათობით უშედეგო მცდელობისა, კლიჩკომ ვერ მოახერხა პრეზიდენტ ზელენსკისთან შეხვედრა. მისი აზრით, ეს ცოტა არ იყოს უცნაურია - ომში გახვეული ქვეყნის დედაქალაქის მერისა და პრეზიდენტის ურთიერთობა, თუმცა ზოგადად აღნიშნა, რომ უკრაინის წამყვან პოლიტიკოსებს შორის არ არსებობს არც ერთობა და არც ერთსულოვნება.
მიუხედავად იმისა, რომ ზელენსკის შესაძლოა უფრო მნიშვნელოვანი საქმეები ჰქონდეს, ვიდრე კიევის მერთან აუდიენცია, კლიჩკოს აზრით, დღეს დადგა პოლიტიკური ამბიციების გვერდზე გადადების ჟამი. თუმცა, ამან არ შეუშალა კლიჩკოს დაედანაშაულებინა მთავრობა, ქვეყანაში კატასტროფულ დონეზე ასულ კორუფციასთან არასათანადო გამკლავებაში. ვიტალი კლიჩკოს ღრმა რწმენით, ქვეყნის ნებისმიერ მოქალაქეს რომ დავუსვათ ეს შეკითხვა, თითოეული გვიპასუხებს, რომ უკმაყოფილოა სამთავრობო ანტიკორუფციული პოლიტიკით“, - წერს დავით ქართველიშვილი.
| სარეკლამო ადგილი - 11 650 x 60 |
